Latest News

Addl. CEO in Lawngtlai inbuatsaihna thlir

Mizoram Addl. CEO, Krishna Mohan Uppu, IAS chuan Inrinni khan Lawngtlai tlawhin Lawngtlai DC Conference Hall-ah Lawngtlai District Election hotute leh Nodal Officer-te nen Lok Sabha inthlanpui neih tur chungchang an sawiho.
Addl. CEO hi Lawngtlai District Election Officer, Shashanka Ala-i leh a thawhpui ten lo dawngsawngin Krishna Mohan Uppu chuan inthlan hmachhawn tura inpuahchah dan thlirho chu hmasawn ngaihna lai zawnchhuah a, chumi atana thurawn inpekna tur a nih thu a sawi a. Inthlanpui lo awm tura mawhphurhna nei zawng zawng chu an chanpual \heuh \ha taka hlenchhuah tum tura chahin, MP chu Mizoram in seat khat chauh nei mah ila, sawrkar laipui-a kan state pumpui aiawh tur an nih avangin ngaih pawimawh hle tur a ni tih a sawi a, mipui pawh MP inthlan pawimawhzia uar taka zirtir a, vote an thlak ngeina tura hmalak a a \ul thu a sawi a. Inthlan \hat ngailo tura felfai taka inthlan buatsaih a nih theih nana \an la tur te, voter tam zualna Polling Station-a vote thlak hmanhmawh deuh tura hma la tur leh, MLA Inthlanpui 2018-a Lawngtlai District-a vote tla zat (81%) aia tam a tlak theih nana \an la turte'n kalkhawmte chu a fuih bawk. He huna tarlan a nih danin Lok Sabha Inthlanpui 2019-ah hian Lawngtlai District chhungah Polling Station 165 a awm dawn a. Chu'ng zinga Polling Station 8 chu hmeichhia chauh duty-na tur niin tunah hian inbuatsaihna ngawrh taka kalpui mek a ni.

Comments

Popular News (Last 30 Days)