Election Official training nei

Lok Sabha inthlanpui neih tura Serchhip District chhunga Duty tur Team hrang hrangte tan nimin khan an hnathawh dan tur chungchang inhrilhhriatna neih a ni.
Thla thar April 11-a Lok Sabha inthlanpui neih tur atan Serchhip District-ah inbuatsaihna kalpui mek zel niin nimin khan Serchhip DC’s Conference Hall-a inthlanpui neih tura duty tur Team hrang hrangte tan Training neih a ni a, he training-ah hian Sector Officer (SO), Assistant Electoral Officer (AERO), Accounting Team, Flying Squad (FS), Video Surveillance Team (VST) leh Static Surveillance Team (SST) te an tel a ni.
He hunah hian Serchhip District Addl. DC leh Deputy District Election Officer, Chuau-hnuna chuan nikum kumtawp lama MLA inthlanpui neih ah Serchhip District-ah inthlanna tluang taka neih a nih theih nana Official Team hrang hrang ten \ha taka an mawhphurhna an hlen chu lawm-awm a tih thu sawiin, thla thar April ni 11-a MP inthlanna lo awm leh tur atan pawh mawh-phurhna nei Election Official Team hrang hrang te chu theihtawp chhuah leh turin a sawm a. Tun \umah hian nikum-a MLA Election-a mawhphurhna an lo chelh tawh ang deuh vek mawh-phurhna pek leh an nih thu a sawi bawk.
He hunah hian SDO (Sadar) leh Election Expenditure-a Nodal Officer, R. Van-rengpuia chuan MP inthlanpui atana mawh-phurhna hrang hrang nei Team hrang hrangte tih tur leh an hriat tur pawimawh te zirtirin zawhna leh chhanna bakah sawiho ngai te an sawiho bawk.

Comments

Chhiar Hlawhte