Biak In sak tum dodalin mipui pungkhawm

UPC (NEI) in Champhai Dinthar Veng-a Biak In an sak tur chu duh lovin nimin khan Champhai Dinthar Veng NGO huaihawtin Vengchhung mipuite an pungkhawm.
Champhai Dinthar Veng NGO te chuan helai hmuna Biak In sak tumna ah hian UPC (NEI) te hian House Plan, LSC awm lovin a hmingin a ram neitu an lo ni tawh tih sawiin, NOC-ah tu hming sign mah a awmloh avangin an lehkha neih pawh hi a lem niin an sawi a. Helai hmuna MHIP In sak a nih lai pawha engmah sawilo, kum 20 bawr vel chu ram neitu ang pawha lang lovin nikum khan an lehkha haichhuakin an ta chei ringawt niin an sawi a. Nimin lamah Biak In sak hnatlang hi neih an tum nia hriain, hnatlang te dan tum hian mipui hi an pungkhawm a, amaherawh chu hnatlang tur hmel hmuh tur a awm tak loh avangin pungkhawm mipuite hian Biak In Ban an phun tawh te chu \hiat-in a khur pawh an chhilh nghal a, an \in zui ta a ni.
Hetihlai hian UPC (NEI) Pastor chuan helai hmun hi dan hnuaiah an ram dik tak a nih thu a sawi a, Dinthar Veng pian hma, Kanan Veng vek a nih laiin Kanan Veng VC chuan Biak In sakna turin helai hmun hi a pek thu a sawi a, Biak In pawh sak a lo ni tawh tih sawiin, Mizoram leh NEI an in\hen tak avangin luah tur an awm loh avangin \hiah a nih thu sawiin, eng anga rei pawh hman lovin dah mah se, an ram a nihna a bo chuang lo tih a sawi a, an pass neih chu kum 2023 thleng a dam thu pawh sawiin, an ramah hian Biak In sak ngei an tum thu a sawi bawk.

Comments

Popular posts from this blog

PAN CARD an tih teh fo hi - Laldinpuia