Assembly Session neih dan tur tihfel a ni

Mizoram Legislative Assembly \hutkhawm chu tun thla ni 12 a\anga March 20 thleng neih tura ruahman a ni.

Assembly dinglai term-a Assembly Budget Session hmasa ber tun thla ni 12 a\anga neih tura hun hman dan tur ngaihtuah hian nimin khan Assembly Speaker, Lalrinliana Sailo kaihhruai Business Advisory Committee chu an \hukhawm a, ruahmanna siam dan chuan Assembly \hutkhawm \an ni, March 12-ah Larsap in House-ah thu sawiin Larsap thusawi chung-changa lawmthu sawina Motion chu putluh a ni anga, a tuk March 13-ah MLA hlui boral, F. Manghmuna sunna hun hmangin zawhna leh chhanna hun hman a nih bakah a hma Ni-a Larsap thusawi chungchanga lawmthu sawina Motion chu sawiho a ni ang. March 14-ah sawrkar Bill sawihona neiin March 15-ah Private Member Resolution sawiho a ni anga, 16 leh 17 chawlin 18-ah sawrkar thil pawimawh ngaihtuah a ni anga, March 19-ah thla li (4) chhunga Mizoram sawrkar sum hman tur chu Vote-on-Account a pharh a ni anga, hei hi a tuk March 20-ah sawiho a pawmin Session hi zawhfel nghal a ni ang.