Mipuite remchan zawkna a ngaih vangin LPG sem nan Common Delivery point siam

Food Civil Supply & Consumer Affairs (FCS&CA) Minister, K. Lalrinliana chuan, mipui tana awlsam zawk leh remchang zawk nia sawrkarin a ngaih vangin tuna Gas sem dan, Common Delivery point chu Distributor ten an kalpui niin a sawi a, Home delivery kalpui dan pawh ngaihtuah mek zel a nih thu nimin khan House a hrilh.

Nimin a Assembly Session-ah Aizawl North-II bialtu MLA, Vanlalthlana zawhna leh zawhbelhna te chhangin FCS&CA Minister, K. Lalrinliana chuan, Ramhlun Sports Complex Veng chuan hnuailam-a LPG man Rs. 10 laia a to bik \hin chungchang chu sawrkarin a hriatpui loh thu House a hrilh a, zawhna neitu ngenna angin Department in hemi chungchang hi an enfiah tur thu a sawi a. FCS&CA Minister chuan, Delivery Point-a Gas sem lova Home delivery a kalpui dan chu sawrkarin a ngaihtuah mek zel thu sawiin, hemi chungchang hi Distributor te nen pawh an sawiho tawh thu House a hrilh a, Dan in Home Delivery ngei turin ti mah se, a taka kalpui Mizoram-ah chuan ala harsa niin a sawi bawk.

Vanlalthlana zawhna dang chhangin FCS&CA Minister chuan Consumer Welfare Fund atan Central a\angin kum 2014-15 chhungin cheng nuai 20 dawn a nih thu leh kum 2015-16 ah cheng nuai 20 dawn a nih thu a sawi a, hemi kum chhung hian Central a\angin heng bak hi sum dawn a awm loh thu a sawi a. Kum 2014 a\ang khan District Consumer Forum tihchangtlun nan District tinah sum sem a nih thu pawh sawiin, kum 2014-2015 chhungin District hrang hrang leh Mizoram Consumer’s Union Hqrs. a sum pekchhuah zawng zawng chu a vaiin Rs. 14,45,000/- a nih thu a sawi a. Kum 2015-2016 ah Rs. 12,95,000/- pekchhuah a nih thu leh kum 2016-17 leh 2017-18 chhungin Rs. 30,35,000/- pekchhuah a nih thu a sawi a. Kum 2014-2016-a sum sem hi Central a\anga dawn a ni a, kum 2016-2018 erawh hi chu Deparment Budget a\anga sem a nih thu a sawi bawk a. Kum 2018-19 Department Budget-ah tun thla ni 15-a World Consumer Rights Day hmanna atan District hrang hrang te hman atan Rs. 1,50,000/- dah a nih a nih tawh thu  a sawi bawk.

Aizawl District Consumer Forum President post ruak hnawhkhahna turin 14.1.2019-ah Advertisement chhuah tawh a nih thu pawh Supply Minister chuan sawiin, hun ruat chhunga diltu hmuh a nih loh vangin Aizawl District Forum President post hnawh khat turin hmalak mek zel a nih thu FCS&CA Minister chuan a sawi bawk.