MSU in dan lova Tuichawngchhuah a cheng te tun thla ralhmaa an chenna chhuahsan turin phut

Mizo Students’ Union (MSU) chuan Dan lova khawdin Tuichawngchhuah a chengte tan Sawrkarin Tuichawng khua ah an inbenbelna tur hmun a ruahman vek tawh avangin Tuichawngchhuah a cheng te hian tun thla ralhma ngeiin an chenna an chhuahsan an duh thu an sawi.

MSU General Hqrs. hruaitute hian nimin khan an President, Vanllalliana hova thuthar thehdarhtute kawmin Mizoram chhunga dan lova khaw din hrang hrangte tihtawp vat a nih theihna turin theihtawpin hma an lak \hin thu an sawi a. Lunglei District chhunga dan lova khawdin Sibinesora pawh kum 2013 khan hlawhtling takin tihtawp a lo ni tawh tih sawiin, kum 2015 a\anga an lo nawr tawh dan lova khawdin Tuichhawngchhuah pawh hi March thla ralhma ngei a tihtawp a nih ngei theih nan sawrkar an ngen nawn leh tih an sawi bawk.

MSU hruaitute chuan Tuichawngchhuah hi Tuichawng VC huamchhung a mi nih thu sawiin, Sawrkar report a\anga a lan dan chuan In 49 awmin mihring 222 an cheng a nih thu leh hei hi thu diklo a nih thu an sawi a, a hmuna an enfiahna ah In 14 awmin pakhat sak belh an tum mek chu \hiah a nih thu an sawi a. Sawrkar a\anga kuthlakna awm, Eng (Power Supply), Tui lak leh School Building awm te chu mak an tih thu leh dan lova khaw din ni si a, sum leh pai senna hmuh tur awm chu a titu Department te pawh demawm an tih thu an sawi bawk.

MSU chuan Tuichawngchhuah hi Nov. 11, 2015 khan a vawikhat nan an tlawh thu pawh sawiin, hemi \um hian Tuichawng VC leh sawrkar hotute nen pawh inbiain Tuichawngchhuah a khawsa te chu rang taka sawnchhuah vek annih theih nan ruahmanna te pawh siam a ni tih an sawi a. Hemi hnu hian Lunglei Addl. DC pawhin tlawhin sawnchhuak tura Order a chhuah thu leh hei hi Tuichawng Headman chuan kum 2016 January thla khan khingin Gauhati High Court Aizawl Bench chuan Stay Order a rawn chhuah tak thu an sawi a. Tuichawngchhuah Eviction Order khin chungchanga High Court Judgement and Order chu nikum August ni 24 khan tihchhuah niin, Tuichawngchhuah chu sawrkarin a duh chuan a \hiah theih thu a rawn sawi tih an sawi a. Hemi ang hian tun thla chhunga helai hmuna cheng te hi an chhuah an phut thu leh March thla ralhma-a sawrkar kutthlakna engmah an hmulo a nih chuan \ha an tih anga hmalakna an kalpui dawn thu an sawi bawk.