RD Minister hovin State Level Credit Camp neih a ni

Mizoram State Rural Livelihoods Mission (MzSRLM) leh Mizoram Rural Bank \angkawp chuan nimin khan Aizawl Chanmari YMA Hall ah State Level Credit Camp an buatsaih a, he hun hi RD Minister, Lalruatkima chuan khuallian niin a hmanpui.

State Level Credit Camp-ah hian RD Minister chuan vawilehkhata sum hmuh \euh leh hlawhtlin thut tumna chuan teirei peihna a tibo a, a tawpah tlak chhiatna a thlen \hin tih sawiin, kawtkaia hausak thut theihna nia lang sum peipunna tur an zawrh \hinte aiin RBI hriatpui ngei Bank a\anga loan lak chu a himin a rintlak ber tih a sawi bawk.

Mizoram State Rural Livelihoods Mission (MzSRLM) hi kum 2013 khan Kolasib leh Serchhip District-ah bul \anin tunah hian Siaha, Lawngtlai, Mamit leh Champhai tiamin District paruk-a RD Block 17 ah hmalak mek a ni a. Tun dinhmunah MzSRLM hmalakna in SHG 4736 din a ni tawh a, hetah hian chhungkaw 41,260 an tel a ni. SHG-te bul \an nan Start up Cost, Community Investment Fund leh Revolving fund te pek \hin an ni a. Bank a\angin loan lak theihna tur hawnsak niin SHG member-te tan hian \um engemawzat training buatsaih a ni.

Hei bakah hian Nu ho Financial Literacy zirtirtu tur Financial Literacy Community Resource Person atan mi 121 leh Bank Facilitator mi 71 rawih an ni a. Kolasib leh Serchhip District-a Bank awm lohna khaw 14-ah SHG te \anpuitu tur dah an ni bawk. SHG te tan hian Bank an \angkai hle a, MzSRLM hian Bank pathum - State Bank of India, Mizoram Rural Bank leh Apex Bank te nen inremna thuthlung an ziak tawh a ni.

Nimin a he hun hmanna ah hian SHG 214 te hnenah Bank Loan Rs.2,61,70,000 pekchhuah a ni a. Heng loan te hi Term Loan leh Cash Credit limit niin Self Help Group ten eizawnna ngel-nghet an neih theihna tura pek an ni.