Serchhip College-a thawktu indaihloha Minister-ah thlen

MSU District Hqrs. Serchhip chuan nimin khan Higher & Technical Minister, Dr. R. Lal-thangliana chu a Office-ah kawmin Govt. Serchhip College-a thawktu indaihlo chungchang an sawipui a.
He hunah hian MSU hruaitute chuan Minister hnenah hian an harsatna te thlenin Govt. Serchhip College-a thawktu in daihlohna ngai pawimawh a dahbelh ngei anih theih nana hma la turin Minister hi an ngen a. Minister hian an harsatna a hriatthiam thu leh theihtawp a lo chhuah tur thu a sawi a, MSU District Hqrs,. Serchhip chuan lawmawm an tih thu sawiin, a hlawhtlinna hmuh thuai pawh an beisei tih an sawi bawk.
MSU District Hqrs. thuchhuah tarlan danin tunah hian Govt. Serchhip College-ah hian Department 13 (sawm pathum) awmin, Lecturer hi a indaihlo hle a. UGC Norms ah Department pakhatah hian Lecturer hi panga (5) tur anih laiin tunah hian Department pakua (9) ah hian UGC Norms in a sawi hi an phaklo vek a, chuvangin zirlaiten harsatna an tawk nasa hle a, thawktu dah belh anih ngei theih nan MSU chuan hmalak zel an tum thu an sawi bawk.

Comments

Popular posts from this blog

PAN CARD an tih teh fo hi - Laldinpuia