Sawrkar laipui ruahman angin Mizoram-ah PLF Survey leh TU Survey kalpui mek a ni

Sawrkar laipui ruahman angin ‘Periodic Labour Force Survey’ (PLFS) leh ‘Time Use Survey’ (TUS) te chu kum hnih (2) kalta a\ang khan NSSO Regional Office, Agartala leh Mizo-ram-a Economics & Statistics Department \angkawp buatsaihin Mizoram-ah neih \hin a ni.
Kum 2017 a\ang khan India sawrkar chuan ram chhunga Employment leh Un-Employment dinhmun chiang tak, thla 3 dan zel (quarterly)-a hriat zung zung a nih theih nan ‘Periodic Labour Force Survey’ (PLFS) leh ‘Time Use Survey’ (TUS) Sample Survey hi a kalpui \an tawh a. He Survey hna kengkawhtu ber National Sample Survey Office (NSSO) hi Mizoram-ah a la awm loh avangin NSSO Regional Office, Agartala chu Mizoram chhunga survey hna thawk leh enkawl zui tura ruat an ni a. He survey hna hi Mizoram-ah pawh kum hnih kalta a\ang khan Economics & Statistics Department nena tanghovin bul\an a lo ni ve tawh a ni. National Sample Survey Office (NSSO) hi Ministry of Statistics & Programme Implementation hnuaiah kum 1950 khan kalpui \an niin kum 1951 a\angin All-India Level-ah Sample Survey bul\anin Vawiin thleng hian All-India Level-in kumtin Sample Survey chi hrang hrang - Socio-Economic Survey te, Annual Survey Industry, Price Index Survey leh Agriculture Survey te neih \hin a ni.
Tunah hian Mizoram chhungah Survey pali (4) - Periodic Labour Force Survey (PLFS), Time Use Survey (TUS), Consumer Price Index (Rural) leh Market Survey te Agartala Regional Office a\angin rawn enkawl mek a ni a, Survey dang pawh \an leh thuai tura hmalak mek a ni bawk. Periodic Labour Force Survey (PLFS) hian Employment leh Un-Employment data quarterly-a tihchhuah bakah ‘Worker Population Ratio’ leh ‘Labour Force Participation Rate’ chhutchhuahna tura ruahman a ni a. Time Use Survey (TUS) hi India khua leh tuite hlawh neih emaw a thlawn emaw a chhawr an nih dan (paid & unpaid activities) tehna bakah zirna (education), khawtlanga inhmanna (social activities), mahni invawng dan (self-care activities) leh intihhlimna lam (leisure activities)-a chhungkaw member tinte an inhman dan tehna tura ruahman thung.
PLFS hi kum 2017 a\angin bul\an a ni a, Phase-I chu 31st March, 2019 hian a zo anga; kumin vek April thla a\angin Phase-II a chhunzawm tum a ni. TUS hi January, 2019 a\anga bul\an tura ruahman ni mahse Mizoram-ah chuan harsatna hrang hrang avangin March, 2019 a\angin bul\an theih chauh a ni. Periodic Labour Force Survey (PLFS) leh Time Use Survey (TUS) hna hi Mizoram-ah Field Officer 2 leh Field Investigator 14 ten an thawk mek a; Sample Survey Sytem hmangin Mizoram-ah khaw 74 zel thla 3 dan atan thlangchhuakin hmalak mek a ni.

Comments

Popular posts from this blog

PAN CARD an tih teh fo hi - Laldinpuia