Mizoram-a Vaimim te zirchianna neih \ul ti

Agriculture Minister, C. Lalrinsanga chuan Mizoram-a Vaimim chi \ha kan neih te chu zir-chianna neih \ul a tih thu a sawi.

Nimin-a SAMETI Training Hall, Aizawl-a ‘National Workshop on Scientific Maize Cultivation in North East’ neih a hmanpuina ah he thu hi sawiin Agriculture Minister chuan Mizoram leilung leh sik leh sa in a zir avangte in hmanlai a\angin Vaimim hi kan ching nasa in kan ei nasa hle tih sawiin, “Kan ram a Vaimim kan hriat larte chu Mimpui, Mimban leh Puakzo te niin hengte bakah hian Vaimim chi \ha kan neihte hi zirchianna neih a \ul hle a ni,” a ti a, Vaimim hi kan ei atan a \hat mai bakah ran tan chaw \ha em em mai anih bawk avangin Vaimim a kan intodelh hi a pawimawh hle a ni, a ti bawk.

Agriculture Minister chuan Vaimim chin kawnga loneituten harsatna an tawh \hin hrang hrangte sawiin, “Vaimin dah\hatna hmun \ha kan nei lo te, zuva leh rannung eichhiat tam \hin leh a hun taka a chi mamawh ang kan hmuh \hin lohte hi a pawi hle a ni,” a ti a. ICAR, Mizoram Centre, Kolasib hmalakna in Vaimim chi \ha chi (high yielder RCM 75 leh RCM 76) chu Kolasib, Aizawl, Mamit leh Lunglei District a loneitute hnenah Directorate of Agriculture (R&E), Govt. of Mizoram nen \angkawpa an sem chhuah \an tawh thu a sawi bawk.

Nimin a he Workshop hawnna hunah hian ICAR, Mizoram Centre, Kolasib a\anga siamchhuah French Bean (IC 0611106) chu Minister hian a tlangzarh a, Mizo hming 'ZORIN' bean tih a phuah nghal bawk.

He huna tarlan a nih danin India ramah hian chawhrualin Vaimin hi hactare khat-ah ton 2.59 thar a nih laiin Mizoram-ah chuan hactare khat ah ton 1.5 chauh thar a ni a, Vaimin thar tam tura pawimawh te zirhona neih nghal a ni bawk.