Congress sawrkar inthlah-dah vang niin sawi

Information & Public Relations Minister, Lalruatkima chuan CAB 2016 hlauhawm em em chhan chu sawrkar hmasa Congress inthlahdah vang a nih thu sawiin, “Kum 10 Congress sawrkar khan ramdang a\anga rawn pem lutte a ngaihthah a, anmahni lo dan emaw, chhinchhiah emaw a awm lova; an chungchangah eng hmalakna mah a kalpui loh vang a ni,” a ti.
Nimin a Aizawl Mizo Hnam Run-a Chhung Inkhawm neih ah he thu hi sawiin Lalruatkima, MLA chuan MNF chuan Assembly Session hmasa berah The Mizoram Maintenance of Household Registers Bill 2019 a pass nghal thu a sawi a. “He dan hi ramdang a\anga Mizoram rawn lutte chhinchhiahna tur a ni a. He Bill hmang hian khua leh tui dik leh diklo khaw tinah chhinchhiah a ni dawn a, he dan hi Congress sawrkar khan lo siam se chuan CAB 2016 hi a hlauhawm lo hial awm e. CAB 2016 hian Congress mawng a hlim chiang hle,” a ti.
Lalruatkima chuan CAB chu MNF chuan theihtawpin a bei tih sawiin, Prime Minister leh Home Minister te hmunin CM-in na takin a nawr tih a sawi a. “Cabinet Meeting-ah leh Assembly-ah meuh pawh he Bill duhlohna hi pass a ni. Anni lam hian CAB do hian Delhi vawi khat an thlen pawh kan hre lo,” a ti a. Lok Sa-bha inthlanpui neih tur chungchang sawiin, “Eptu lam hian CAB bak sawi tur an nei lo reng reng. Congress leh an \anrualpui ZPM-te hian sawrkar hmasa hnuhma chhiatzia kha an mitthlaah a la cham reng a. An dang a awk, sawi tur an van hle. Eptute hian CAB an vei a nih chuan min rawn thawhpui rawh se, kan zen thuk thei zawk,” a ti a. MNF chu Nationalism kengtu an ni tih sawiin, “Kan ram kan hnam leh sakhua himna tur hi engtiklai pawha kan ngaihtuah leh kan dah pawimawh ber a ni,” tiin an hnathawh dan enin MNF vote loh chhan tur a van thu a sawi bawk.

Comments

Chhiar Hlawhte

YMA Day pual Article :