Deptt. \anhona tur sawiho

Mizoram State Commission for Protection of Child Rights (MSCPCR) chuan nimin khan Department hrang hrang hotute naupangte ham\hatna tur leh an chanvo an chan theihna tura \anho dan tur a sawipui.

Aijal Club Conference Hall-a he sawihona hunah hian MSCPCR Chairperson, Sangzuali Vanchhawng chuan naupangte chu mahni-a inveng ve thei lo an nih avangin Dan chi hrang hrang hmangin an dikna leh an chanvo humhalh sak an ni a, chung Dan dinglaite chu anihna ang taka kengkawh thei turin a kaihhnawih Department hrang hrang ten an hmazawna tih tur awm \heuhte \ha taka an hlen chhuah a \ul a ni, a ti a. Sawrkarin policy leh programme a duan te pawh naupangte dikna leh chanvo humhalhna nena inmil, an hma-sawnna tur lam hawi a nih a \ul a ni, a ti bawk.

MSCPCR Chairperson chuan hursualna laka naupangte humhimna dan POCSO Act 2012 chu dan khauh tak a nih thu sawiin, hur-sualna lam hawia naupangte chunga pawikhawihna a lo thlenin inngaihdam a awm \hin chu a tuartu tan pawi nasa zawk thlentu a ni \hin tih a sawi a, pawikhawihtu hrem ngei chu a tuartu tih damna kawnga rahbi hmasa ber leh thil pawi-mawh ber a nih avangin pawikhawihtute chu hrem ngei tur an ni a, inngaihdam chu Danin a phal lo a ni, a ti bawk.

He hunah hian Police Department aiawh te chuan naupang kumtlinglo dan kalha che te tan Police Station tinah Child Friendly Corner siam tum a nih thu sawiin, Naupang ten an hlimna leh an lungawilohna ziaka an dah theihna tur Happy/Sad Box pawh zirna In hrang hranga dah turin hmalak a ni a. Health Department lam aiawha tel te chuan hursualna lam hawia pawikhawihna tuartu naupangte damdawi in-a endikna kawngah hmasawnna tur la awm ang ang te bawhzui zel an inhuam thu an sawi bawk.