Lok Sabha inthlanpui neih hun tur puan a ni ta

April 11, 2019-ah Mizoram-ah inthlan a ni ang

Lok Sabha inthlanpui vawi 17-na chu April 11, 2019 a\ang khian ramchhung hmun hrang hrangah a tahtawl a neih a ni dawn a, Lok Sabha inthlanpui hi thawh 7-a neih tura ruahman niin Mizoram-ah chuan April 11-ah mipui ten Vote an thlak ang.

India ram inthlanpui neih tur chungchang ah hian nimin tlai dar 5:00 khan Election Commission of India-a Chief Election Commissioner, Sunil Arora chuan Vigyan Bhavan, New Delhi-ah thuthar thehdarhtute kawmin inthlanpui neih hun tur thu hi a puang a, CEC in a sawi dan chuan inthlanpui hi thawh 7-a neih tura ruahman niin Vote thlak hmasa ber chu April 11, 2019-ah neiin inthlanna hi State 20-a Seat 91-ah neih a ni anga, a thawh hnihna chu April 18-ah State 13-a bial 97-ah neih a ni anga. April 23-ah a thawh thumna atan State 14-a bial 115-ah nei lehin a thawh li-na chu April 29-ah State 9-a bial 71-ah neih a ni anga. Inthlanpui thawh nga-na chu May 6-ah ramchhung State 7-a bial 51-ah neiin May 12-ah a thawh 6-na chu State 7-a bial 59-ah neih leh a ni anga, Vote thlak hnuhnung ber chu May 19-ah State 8-a bial 59-ah neiin heng inthlanna neih zawng zawnga Vote tla te hi a rualin May 23-ah chhiar a ni anga, Lok Sabha 16-na term dinglai hi June 3, 2019 khian tawp tur niin hemi hma hian inthlanna hi neih zo hman vek tura ruahman a ni.Nimin a Election Commission of India in Lok Sabha inthlanpui neih hun tur a puan a\ang hian rampumah Election Model Code of Conducts chu kenkawh nghal a ni a, tun \umah hian ramchhunga Lok Sabha seat 545-ah inthlanna hi neih tura ruahman niin he inthlanna atan hian Polling Station nuai 10 vel awm tura ruahman a ni a. Inthlanna atan hian Vote thlakna khawl, EVM leh Vote thlaktu ten an Vote thlak an enfiah theihna tur khawl, VVPAT hman vek a ni dawn a, EVM-ah te hian Candidate te thlalak chu dah tel vek tura ruahman a ni bawk a, rampumah vote nei thei mi vbc. 90 vel an awm a ni. Karnataka, Manipur, Rajasthan leh Tripura-ah te chuan inthlanna hi thawh hnih-a zawhfel a ni anga, Assam leh Chhattisgarh-ah chuan thawh thum-ah zofelin Jharkhand, Madhya Pradesh, Maharashtra leh Odisha-ah te thawh li-ah zawhfel a ni thung anga, Jammu and Kashmir-ah inthlanpui hi thawh nga-ah zofelin West Bengal, Bihar leh Uttar Pradesh-ah te chuan thawh 7-ah zofel tura ruahman a ni bawk.Seat khat awmna Mizoram-ah pawh Lok Sabha inthlanpui hi inthlanpui thawh khatna neih rualin neih a ni dawn a, he inthlanna neih tur atan hian March 18-ah hriattirna chhuahin he inthlanna chuh tum te tan hian hming pekluhna hun hawn nghal a ni anga, inthlanna chuh tumte tan hian March 25, 2019 thleng hming pekluh theih a ni ang. He inthlanna chuh tuma hming peklut te Nomination Paper chu March 26-ah enfiah a ni anga, March 28, 2019 thleng inhnuh-dawhna hun hawngin April 11-ah inthlanna neiin Vote thlak a ni dawn a ni.Mizoram-a Lok Sabha inthlanpui neih a nih Aizawl West-I Assembly bial-ah bye-election neih a nih nghal tur thu nimin a CEC in thuthar thehdarhtute a kawmna ah hian a puang nghal a, tarlan tawh \hin angin nikum November thlaa Mizoram State Assembly inthlanpui neih ah khan Aizawl West-I bial-ah hian ZPM a\anga Independent Candidate, Lalduhoma chu thlantlin niin ani hi Serchhip bial-ah thlantlin a ni bawk a, Aizawl West-I bial hi a chhuahsan tak avangin bial ruak-ah puan zui a ni a, inthlanna hi neih a ngai dawn ta a ni.

1. Mizoram-a Lok Sabha inthlanpui neih tur leh Aizawl West-I bial-a Assembly Bye-election neih tur chungchangah hian nizan dar 6:30 khan Mizoram State Chief Electoral officer, Ashish Kundra  chuan Aizawl-ah thuthar thehdarhtute a kawm nghal bawk a ni.

x