MJA General Hqrs. Vice President R. Lalhmangaihzuala vuiliam a ni

/
Mizoram Journalists Association (MJA) General Hqrs. a Vice President nilai, R. Lalhma-ngaihzuala, Aizawl Bawngkawn chu nimin zing khan Heart Attack vangin a boral a, nimin vek khan vuiliam nghal a ni.
MJA General Hqrs. Vice President, R. Lalhmangaihzuala (54) hi natlawk em em pawh neilo niin nizan hmasa khan Aizawl-a Diktawn Chanchinbu in Diktawn Miss Chapchar Kut lawmman hlanna hun an buatsaih ah pawh MJA aiawha lawmman hlantu ah hman niin he hun pawh hi tluang takin a hmang a. He Programme hmang zova an In-a a haw hnu nizan hmasa dar 10:30 vel khan a nawmloh deuh avangin Greenwood Hospital panpui a ni a, a BP te enfiahin diklohna engmah a neih hriat a ni lo a, nachhawkna te pek a nih hnuah In lama enkawl tura haw tir leh niin nimin zing dar 2:00 vel khan a thawk dan a mumal loh avangin Greenwood Hospital bawk hi panpui leh nghal a ni a, amaherawh chu chhan theih lohin zing dar 2:40 vel khan a boral zui a, a nupui Lalfamkimi leh an fate 4 a kalsan a ni.
R. Lalhmangaihzuala hi Oct. 6, 1965 khan Hortoki khua ah a lo piang a, kum 1979-ah Aizawl-ah pemin kum 1992 January 15 a\ang khan Romei Chanchinbu-ah thawkin 2010 a\angin Romei Chanchinbu bakah Hnehtu chanchinbu a enkawl zui a, kum 2004-ah MJA General Hqrs. ah Executive Member ni \anin Secretary hna hrang hrang a chelh hnuah 2014 khan chuhtu awm lovin Treasurer atan thlan a ni a, he hna hi 2018 thleng chelhin nikum khan Vice President atan thlantlin leh niin he hna hi a boral thlengin a chelh a ni. Amah hi khawtlang rawngbawlna lamah pawh VC-ah te thlantlin ni tawhin Kohhran rawngbawlna lamah UPC (NEI) niin chanvo pawimawh hrang hrang alo chelh tawh a, tunah hian Kohhran Upa niin Aizawl East District-a rawngbawltu langsar ber te zing ami a ni mek a ni.
MJA General Hqrs. Treasurer nilai boral hi District hrang hranga MJA te chuan an ui thu leh pawi an tih thu an sawi a, nimin a vuina hun hman a nih lai hian an remchan dan anga thlahna hun hmang vein MJA Serchhip District pawhin nimin khan an General Secretary, C. Lalrochhuanga te In ah sunna hun an hmang a, R. Lalhmangaihzuala chanchin te ngaihthlak a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »