Mipui Candidate ten Campaign kick-off hun an hmang

Mizoram in MP inthlanpui leh MLA By-Election lo awm tura Mipui Candidate, MPCC leh ZPM-ten an thlawpte puala campaign kickoff hun chu nimin khan Vanapa Hall, Aizawl-ah neih a ni.
Nimin a he hun hmanna ah hian MP inthlana Independent Candidate, Lalnghinglova Hmar chuan MP-a thlan tlin a nih chuan theihtawp chhuah a Mizoram tan za-a za inpek a tum thu a sawi a. MP election lo awm tur chu BJP leh an lam\ang te leh an lam\ang lote inbeihna a ni tih sawiin, amah chu BJP lam support lo tur chiang sa a nih thu a sawi a. India ramah kum 40 hnuailam MP engemaw zat an lo awm tawh thute, Meghalaya a\ang phei chuan kum 40 tlinglo MP mai ni lo, Union Minister ni thei an awm tawh thu a sawi a. Kum 42-na a hmang mek tih sawiin, experience engemaw zat, Mizoram huap mai pawh ni lo, India ram pum leh international thleng pawhin a lo nei tawh a, mi \henkhatin ‘a la patuai deuh e’ ti a amah beih nana an hmang chu patuai lutuk a a inhriat tawh bik loh thu leh a patuai lutuk leh lutuk loh enchhin turin Mizoram mipuite a sawm a ni.
Lalnghinglova Hmar chuan Mizo \halaite tan a ding dawn tih a sawi a, MP-a a tling a nih chuan infiamna khawvel pawh level sang zawka buaipui a nih tawh tur thu a sawi a. |halaite ei-zawnna tur chu a thil vei ber pakhat a nih thu leh kuthnathawktute tan pawha budget piah lama ham\hatna tam tak a haichhuah tur thu a sawi bawk.
He hunah hian Aizawl West-I MLA By-Election a Mipui Candidate, Lalbuanga Sailo pawhin thu sawiin Mizoram a rorellai party MNF chuan MLA an mamawh belh tawh lo a, kan mamawh zawk chu Opposition tih chak a ni tih a sawi a, MLA a thlantlin a nih chuan sawrkar khalh ngil tura theihtawp chhuah a tum thu leh MLA Fund pawh bial chhung mipuite nen inrawn tlanga \angkai taka hman a tum thu a sawi bawk.

Comments

Chhiar Hlawhte

Thu diklo thehdarh thu ah Police ten Serchhip-ah mi 4 an man