NLUP sum Account-a lut tawh laksak dawn lo

Chief Minister Zoramthanga chuan, NLUP \anpuina dawng tur an account a pawisa lut tawh te chu lak sak an ni tawh lovang tih Assembly House a hrilh a, hetihlai hian NLUP dawng tur thlan tawh pawisa la dawnglo chhungkaw 2,794 an la awm mek thung.
Nimin Assembly zawhna leh chhanna hunah sawrkar hmasa in a lo kalpui NLUP \anpuina chungchang sawi chhuah  a ni a, Aizawl North-I bialtu MLA, Vanlalhlana zawhna chhangin Agriculture Minister, C. Lalrin-sanga chuan NLUP dawng tura thlan tawh pawisa la dawng lo chhungkua 2,972 awm awm thu sawiin, heng te hi NLUP \anpuina pek an nih dawn leh dawn lo ngaihtuah mek a nih thu a sawi a, heng chhungkaw 2,972 te hi Line Department hrang hrang 10 chuang a\anga lak-khawm te an nih thu House a hrilh bawk.
Hemi thu kal zelah hian Assembly Speaker, Lalrinliana Sailo chuan hemi chungchang sawi tur hian House Leader, Zoramthanga chu a sawm a, Chief Minister ni bawk Zoramthanga chuan, NLUP chu a system \ha an tih loh thu sawiin, hemi vang hian project nena inzawm, SEDP kalpui an tum niin a sawi a, hemi vang hian NLUP kalpui an tum tawh lo niin a sawi a. Congress member Zodintluanga zawh belhna chhangin House Leader, Zoramthanga chuan, NLUP \anpuina dawng turte chu an account a pawisa a luh chuan lak sak an ni tawh loh tur thu a sawi bawk a ni.
Agriculture Minister, C. Lalrinsanga chuan, NLUP \anpuina dawng tur an account a pawisa dahluh tawhte chu inthlan puan a nih vangte, an account enfel sak vang te, account neilo te enfel sak an nih vang te in \anpuina an la dawng thei lo niin a sawi a, sawrkarin SEDP Apex Board a din hunah an chungchang hi ngaihtuah a ni tura a ngaih niin a sawi bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia