NLUP loan la te enfiah zui a ni dawn

Agriculture Minister, C. Lalrinsanga chuan, NLUP hnuaia loan (Interest Free Loan) la tu \henkhat ten loan an rul \halo tih sawiin, an loan lak dan uluk taka enfiah a nih hnuah a \ul dan angin sawrkarin ala ngaihtuah tur thu House a hrilh.
Nimin a Assembly Session zawhna leh chhanna hunah Aizawl South-II bialtu MLA, Lalchhuanthanga zawhna chhangin Agriculture Minister chuan, NLUP hnuaia a pung awmlo a loan la Hnam Chhantu chuan cheng nuai 35 an rul tawh tih House hrilhin, LZ Bamboo Industry, Mizoram Boom India leh CDAR ten cheng khat mah an la ruh loh thu leh Samuel Tea Factory ten Rs. 3,40,000/- an rulh tawh thu a sawi. A pung awmlo a loan latu te dinhmun chu zirchian a nih tur thu leh hemi hnuah hmalak dan tur tihchian theih a nih tur thu a sawi bawk. Member dangte zawhbelhna chhangin Agriculture Minister chuan tun dinhmun a NLUP Implementing Board (NIB) a thawk mi 68 vel te chungchang chu ngaihtuah zel a nih thu sawi bawkin, a kaihhnawih hrang hrangte enfiah zel a nih thu a sawi a. NLUP chu a tawp kharna neih mek zel a nih thu leh, chumi hnuah chhawr chhunzawm dan tur la ngaihtuah a ni dawn tih sawiin, sawrkar hmasa hunlai a NLUP dawng tura thlan fel vek tawh, tun thlenga an pawisa dawn tur la dawnglo te dinhmun pawh enfiah a nih tur thu a sawi bawk.

Comments

Popular posts from this blog

PAN CARD an tih teh fo hi - Laldinpuia