Sports for Peace (Volleyball) khelh \an a ni

Sawrkar laipui ruahman angin Sports for Peace chu Serchhip District-ah kalpui mek niin he ruahmanna hnuaiah kum 16 hnuailam te tana Volleyball inelna chu nimin khan Serchhip Veng-chung Volleyball Court-ah khelh \an a ni.
Serchhip RD Block tana Sports for Peace Under-16 Volleyball Tournament hi Serchhip District Sports Committee Chairman, K. Tlangthanmawia chuan hawngin mVolleyball-a Under-16 player te chu Serchhip District hmachhuan tur an la nih thu a sawi a, tunah kum 16 vel chauh la ni mah se nakin lawka kan District aiawh tur te an la nih thu sawiin, hei vang hian tih tak takna nena inkhela inbuatsaih turin duhsakna a hlan bawk.
Nimin a he inelna hawnna hun hi SDVA Executive Member, Lalngaihzuala chuan kai-hruaiin Zothansanga hnen a\angin Technical Report ngaihthlak a ni a, he inelna ah hian Team 10 telin heng te hi Pool hnih ah \hen an ni a, Pool khat-ah hian Club panga (5) ve ve awmin Pool khat-a awm te hi an intum kual \heuh hnuah point hmu sang pahnih ve ve ten Semi Final an lut dawn a, he inelna a ti\ha thlanchhuah te chu Serchhip RD Block aiawha District Level inelna a tel turin thlan an ni dawn a ni.
Sports for Peace hi Sports discipline hrang hrang 7-ah neih tura runahman a ni a, RD Block Level-a inelna neih a nih hnuah District Level inelna hi neih leh tura ruahman a ni.

Comments

Popular posts from this blog

PAN CARD an tih teh fo hi - Laldinpuia