North Vanlaiphai-ah Mock Drill hlawhtling takin nei

Nimin khan National Disaster Management Authority leh Serchhip District District Disaster Management Authority te buatsaihin North Vanlaiphai khua ah Khuarel chhiatrupna lo thleng thei laka chetlak dan tur a tak a enchhinna, Mock Drill neih a ni.
Serchhip District chhung N. Vanlaiphai khua Mock Drill neih tur atan hian niminpiah khan inbuatsaihna leh hmalak dan tur \ul leh pawimawh inhrilhhriatna hun, Table Top/Mock Exercise on Earthquake Disaster chu North Vanlaiphai Tourist Lodge Conference Hall-ah neih a lo ni tawh a, he hun hi North Vanlaiphai SDO (Civil), Dorothy Muansangi chuan kaihhruaiin DM&R-a District Coordinator, Vanlalduhi leh Ngurthansanga, SDC Serchhip ten N. Vanlaiphai-a sawrkar Office hrang hrang a thawktute leh N. Vanlaiphai Police te, khaw-tlang hruaitu te leh tlawmngai pawl hrang hrang hruaitute chu Khuarel chhiatrupna thleng laka chetlak dan tur an zirtir a ni.
Nimin-a Mock Drill neih ah hian lirnghing na tak, Ritcher Scale 7 in N.Vanlaiphai khua chu a sawi anga lantir a ni a, he lirnghing hian Concrete Building pathum (3) leh KVK Office te chu sawichimin, hmun tam takah leimin (landslide) a thleng bawk a, chhiatna thlenna hmun hrang hrang ah hian Road Block siam nghal niin N. Vanlaiphai Police te leh Chhanchhuah hna thawktu (Rescue Team) te rang taka che chhuak nghalin, N.Vanlaiphai Damdawi In (Primary Health Centre) ah hliam te leh mitthi te kalpui nghal niin, Damdawi In a Medical Team ten an lo dawngsawng a, hliam leh mitthi te fel taka lo chhinchhiah anni bawk a, hlawhtling takin he Mock Drill hi neih a ni.

Comments

Popular posts from this blog

PAN CARD an tih teh fo hi - Laldinpuia