Sub-Junior Football-ah Aizawl DFA an champion ta

Mizoram Football Association (MFA) in a buatsaih Inter-District Sub-Junior Football Championship khelh zawh takah Aizawl District chuan Lunglei District chu 2-1 a hnehin an champion ta.
Serchhip Sports Complex-a khelh Inter-District Sub-Junior Football Championship hi nimin khan Final khela zawhfel a ni a, nimin a Final khelh ah hian Aizawl DFA leh Lunglei DFA te inhmachhawnin Lunglei DFA tan minute 14-na ah F. Lalbiakhlua chuan goal khungin hma an hruai a, hei hi Second half minute 57-na ah Aizawl DFA chuan penalty hmanga sutin Lal-hmunmawia chuan goal a khung a, hemi hnu chiah minute 59-na ah Zonunpuia chuan Aizawl DFA tan goal khung lehin hei hi Lunglei DFA hian an sut theih takloh avangin Aizawl DFA hi 2-1 in an chak ta a ni.
Final-a chak ta Aizawl District hian tun \um Sub-Junior Championship-ah hian match 5 khelin goal 15 an khung a, goal 4 chiah an chhuah thung a, lawmman ah Trophy leh Certificate an dawng a ni. Tun \uma Inter-District Sub-Junior Football Championship-ah hian Best player-ah Lalrinchhana Aizawl chu thlan a ni a, Top Scorer-ah goal ruk khungtu Rem-ruatkima, Kolasib chu thlan ni ve bawk.

Comments

Popular posts from this blog

PAN CARD an tih teh fo hi - Laldinpuia