Dan lova zawrh manchhuak

Nimin khan hian Serchhip District Anti To-bacco Squad, Food & Drug Administration leh Legal Metrology te \angkawp chuan Serchhip khawpui chhungah Foreign Cigarette leh Gutkha Product- Shikhar zuar an awm leh awm loh endikin Joint Operation an nei.

He Joint Operation hi Legal Metrology Inspector, Johny Zonunmawia leh Food & Drug Administration-a Asst. Director, Sarah Laldintluangi te chuan hovin Ser-chhip khawpui chhunga dawr hrang hrangte endik niin, dawr 4 a\angin Shikhar 40 pouch leh dawr 3 a\angin Foreign Cigarette carton 11 an man a. Heng Gutkha product zuarte chungah hian Food & Drug Administration in a \ul angin hma an la chhunzawm dawn a. Foreign Ciggarette zuratute hi Legal Metrology Office ah in hriattir tura koh an ni bawk a ni.

Serchhip-a Legal Metrology-a thawk te hian nimin vek khan Serchhip Damdawi In bula Bicycle parts zawrhna dawr, M/S Variety Store chu enfiahin Bicycle parts an zawrh pakhat chu MRP aia man sanga zawrh a nih avangin an man nghal a, he dawr neitu hi tunkar Ningani-a inlan turin an ko nghal a ni.