Lalduhoma’n Income Tax lak tum titawp tura hmala turin Mizoram sawrkar a ngen

/
Serchhip bialtu MLA leh ZNP President Lalduhoma chuan, Ministry of Finance, Govt. of  India in State Bank of India (SBI)-a account nei zawng zawngte Income Tax lak tura a tih chuan Mizoram telin India hmarchhak State 5 a huam tih a sawi a, he thil hi sut leh tura theihtawp chhuah turin Mizoram sawrkar a ngen a. Chief Minister Zoramthanga chuan lo zirchian a, a \ul dan ang zel a hmalak a nih tur thu a sawi.
Nimin Assembly Budget Session zawhna leh chhanna hun zawhfel hnuah Serchhip bialtu MLA, Lalduhawma chuan 'Calling attention' hmangin, Central sawrkar Ministry of Finance in, SBI-a account nei zawng zawngte Income Tax chawi tura notification a chhuah chu Tribal te ham\hatna chhuhsak tumna tih a chiang hle niin a sawi a, he Income Tax hi Bank-a lut tur ni lovin, Ministry of Finance a lut tur a ni a, SBI nilo Bank dangte pawh he hmalakna kalpui ngei tur hian Central sawrkar chuan hriattirna a chhuah ngei a rinawm tih a sawi bawk.
Lalduhoma chuan Mizoram telin India hmarchhak state 5 te chuan Income Tax an chawi ngailo tih sawiin, amaherawh chu tunhnaiah Income Tax 1961, Section 194 (A) hnuaiah min rinluh an tum ni a sawiin, Ministry of Finance in State Bank of India ah notification pe in SBI a account nei zawng zawngte chu Income Tax chawi vek turin a hriattir niin a sawi a, Income Tax chawilo a, chhiah awl theihna tur dan duang ve tho mah se, Mizote tan he chhiah awl theihna tur dan buaipui hi thil buaithlak tak a nih tur thu a sawi a. He ruahmanna hi Tribal te ham\hatna chhuhsak tumna a ni tih sawiin, Central sawrkarin India khua leh tui te Bank Acount nei vek tura hma a lakna leh hemi a sawimawi chiam hnuah Bank Acount-a Rs. 3000/- nei tlinglo te hremna a duang leh tih a sawi a, heng Bank-a Rs. 3000/- nei tlinglo, mirethei te sum chawi hi tun dinhmunah cheng vaibelchhe sing chuang a tling tawh niin a sawi bawk.
Hemi chungchang hi House Leader, Chief Minister ni bawk Zoramthanga pawhin sawiin, Central sawrkar a Ministry of Finance hmalakna chu zirchian \ul a nih chuan ngun taka zirchian a nih tur thu House a hrilh a, hemi ah hian North East anga \anrual \ul a nih tih thu leh sawrkar pawhin theihtawp a hma an lak tur thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »