NYK in training buatsaih

/
Nehru Yuva Kendra (NYK) Serchhip buatsaih, Training on Youth Leadership & Community Development chu nimin khan DPRC Conference Hall, Serchhip-ah neih \an a ni.
Ministry of Youth Affairs & Sports, Govt. of India hnuaia NYK Serchhip buatsaih Training on Youth Leadership & Community Development hi Serchhip Tarpi tlang-a DPRC Conference Hall-ah neih niin NYK hnuaia Youth Club hrang hrang te a\angin Volunteer \hahnem tak an tel a. Nimin training ni hmasa berah hian NYK Serchhip District-a Youth Coordinator, Lalremruata chuan Leadership nihphung leh hriattur pawimawh hrang hrang te zirtirin Vanlalhruaia, Head Faculty, District Panchayat Resource Centre, Serchhip chuan India rama tualchhung rorelna kalphung chungchang a zirtir a, Lalrinkhuma Chenkual chuan India Danpui hnuaia khua leh tui te mawh-phurhna hrang hrangte zirtirin John Lalchhan-hima Ralte, Manager Mizoram Rural Bank, New Serchhip Branch chuan Prime Minister Flagship Programme hrang hrang hnuaia ham\hatna awm thei te a zirtir bawk a ni.
He training hi Vawiin ah a hmun ngaiah chhunzawm a ni leh dawn a, thupui hrang hrang zirho leh a ni anga, zan lamah pawh chhunzawm tura ruahman a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »