Group YMA Conference nei

Serchhip Sub-Hqrs. YMA hnuaia Group YMA pahnih - |awitlang Group YMA leh Tui-changral South Group YMA Conference te chu neih mek a ni.
|awitlang Group YMA Conference vawi 43-na hi Rullam khuaa Vuttaia Run-ah neih niin nimin khan bialtu MLA leh Assembly Deputy Speaker, Er. Lalrinawma chuan khual-lian niin a hmanpui a, Deputy Speaker chuan YMA chu Zosap Missionary ten min din sak a nih angin Kristian nundan \ha ngaihsan nen a inhmeh hle tih a sawi a. Zonunmawi leh Kristianna mawi taka kalkawp thiam tir a pawimawh thu pawh sawiin, “Tunlai ah \halaite'n hun awl kan ngah lutuk hi thil \ul lo tih nan kan hmang nasa hle a, hei hi kan ram hmasawnna daltu lian tak a ni. YMA member-te chuan kan bul leh kan chhehvela thil awmte kan hman \angkai thiam a ngai a, thawh hreh nei lova a \ul \ul kan thawh hian YMA motto kan tihhlawhtling tihna a ni,” a ti.
|awitlang Group YMA Conference hi Serchhip Sub-Hqrs. YMA a\angin an President, R. Sanghmingthanga leh SEC Member te pawhin an hmanpui a, nimin khan hruaitu thlanna neih nghal a ni bawk.
Serchhip Sub-Hqrs. YMA hnuaia Group pakhat, Tuichangral South Group YMA Conference vawi 46-na pawh nizan hmasa a\ang khan Lungchhuan khuaa Tuchhingpa Hall-ah neih \an a ni a, nizan hmasa khan Palai lawmna neiin report hrang hrang ngaihthlak a ni bawk. Nimin khan chawhma lamah Vantlang Inkhawm neiin Serchhip Sub-Hqrs. YMA a\anga hmanpuitu Lalrammawia, Secretary chuan thu a sawi a, member boralte sunna hun hman niin Zaipawl intihsiakna neih a ni a, chawhnu lamah Sub-Hqrs. YMA kaihhruaina hnuaiah Group hruaitu tur thlanna neih a ni bawk. He Conference hi Vawiin lamah chhunzawm lehin Khawhar hla hmanga intihsiakna neih a ni anga, chawhnu lamah Cultural Programme hmangin zanin ah he Conference hi a \iak dawn a ni.

Comments

Popular posts from this blog

PAN CARD an tih teh fo hi - Laldinpuia