Serchhip-ah World TB Day hman a ni

 Serchhip District-ah kum 2025 hmain TB umbo tum a ni


Niminpiah-a khawvel puma World TB Day hman a nih hnuah nimin khan Serchhip-ah World TB Day puala inkhawm hi neih a ni.
Serchhip CMO Conference Hall-a World TB Day puala inkhawm hi Dr. Lalhlunpuii, District TB Officer chuan kaihruaiin khuallian nia he hun hmanpuitu Serchhip District Bawrhsap, Sangchhin Chinzah chuan Serchhip District in Doctor \ha tak tak kan nei chu lawmawm a tih thu sawiin, Doctor leh thawktu dang ten hriselna lama hma kan sawn theihna tura tihtak zeta hmala a ngaihtuahna an seng chu fakawm a tih thu na sawi a. TB chu \ha taka enkawl a nih chuan enkawl dam theih a nih thu sawiin, mipui te pawhin he natna kan vei leh veiloh te rang taka kan inhriat zung zung a pawimawh thu leh a thlawna enkawlna dawng thei chunga mahni dinhmun pawh hrechianglo nih chu a pawi thei hle tih a sawi a. TB natna vei mi pakhat in mi 15 thleng a kaichhawng thei tih pawh sawiin, hei vang hian he natna vei te chu \ha taka inenkawl turin a fuih a, he huna kalkhawmte chu midangte hnena he natna chungchang te leh alo inven dan te zirtir chhawnga mahni hma zawn \heuha lo thawk ve turin a chah bawk a ni.
He hunah hian Serchhip CMO, Dr. Laldawngliana Sailo chuan TB natna chu kum 1882 vel a\anga hriat a nih thu leh Mizote pawhin Ngawr natna tia kan \ih em em \hin a nih thu a sawi a. Tunhma lamah awlsam taka inkaichhawn theih anga kan hriat \hin ang kha a nih loh thu sawiin, \ha taka enkawl chuan awlsam taka enkawl dam theih a nih thu a sawi bawk. Serchhip District Medical Superintendent, Dr. ZD. Lalmuanawma pawhin Serchhip District-ah TB dona Programme chu kum 20 vel zet kalpui a nih tawh thu sawiin, TB natna chungchanga harsatna nei leh hriatfiah duh nei te tan Serchhip-ah District TB Centre hawn a nih thu a sawi a. He natna vei te chu a thlawnin a enkawlna damdawi pek an nih thu leh Serchhip-ah hetianga damlo te enkawlna tur Isolation Ward kan la neih loh thu a sawi bawk.
He huna tarlan a nih danin kum 2015 a\anga kumin thleng hian Serchhip District-ah TB natna vei mi 285 hmuhchhuah ni tawhin heng mite hi damdawi pek nghal zel an ni a, an zinga mi 226 te chuan hlawhtling takin TB damdawi hi an ei zo tawh a, TB damdawi ei hnua la damlo leh enkawl zui zel ngai mi 8 awmin TB natna avanga thi mi 15 an awm tawh bawk a, TB dam har chi tira hriat, MDR-TB vei mi 4 hmuhchhuah ni tawhin mi 1 enkawl mek a ni bawk. TB vei te hi enkawlna tur damdawi a thlawna pek vek an nih bakah hian an taksa tih chakna atana ei leh in an leina turin thlatin pawisa pek \hin an ni bawk a, Serchhip District chhung khaw hrang hrangah TB natna hian tlem lam a pan zel nia hriat niin hetianga hmalakna kalpui zel a nih chuan kum 2025 hmain Serchhip District a\angin TB hi umbo theih beisei a nih thu te pawh he hunah hian tarlan a ni bawk.

Comments

Chhiar Hlawhte

YMA Day pual Article :