SBI Serchhip Branch-a thawk te Pisa kai tur dang

Mizoram NGO Coordination Committee in ruahmanna a siam angin State Bank of India (SBI) in Tax Deduction at Source (TDS) lak duhloh lantirin nimin khan State Bank of India-a thawk te Pisa kai tur chu dan an ni a, chawhnu dar 1:00 khan hei hi tihtawp a ni.

Mizoram NGO Coordination Committee leh Central YMA Committee a lo rel tawh angin State Bank of India (SBI) in Bank Deposit leh a pung (interest) Rs. 10,000/- chin a\anga Tax Deducted at Source (TDS) lak tur dodalna atan nimin khan Serchhip-a All NGO Coordination Committee te chuan SBI Serchhip Branch a hnathawkte Pisa kai tur chu an dang a, he hunah hian NGO Coordination-a tel mi \hahnem tak duty in NGO hrang hrang hruaitute hnen a\anga TDS chungchang ngaihthlak anih bakah TDS duhlohna thuziak te an kengin an tar bawk a ni.

Hetianga Mizoram puma NGO ten hma an lak hnu hian Deputy General Manager & CFO chuan TDS la lova a hma anga kal leh a intiam avangin nimin chawhnu dar 1:00 a\ang khan NGO Coordination Committee hian an lungawilohna lantir hi an titawp zui ta bawk a ni.