CM hovin Council of Minister \hutkhawm neih a ni

Chief Minister Zoramthanga hova Zirtawpni kalta a Council of Minister \hukhawm chuan Assam Rifles rama mimal \henkhat LSC lo pek tawh te chu dan anga cancel tura rang taka hma lak nise an ti.

Chief Minister Zoramthanga hova Council of Ministers \hukhawm hian sawrkar department hrang hrang a\anga thu lut pawimawhte ngaihtuahin Agenda 19 bakah Additional Agenda department hrang hrang 4 a\anga lut chu an ngaihtuah a. Sinlung Hills Council an inthlan thuai theih nan Delimitation of the Area of Sinlung Hills Council and its Constituencies tih rawtna General Administration Department a\anga lut chu pawm a ni a. Mizoram khua leh veng hrang hranga chhungkaw tin member zat leh an nihna chhinchhiahna tur Draft Mizoram Maintenance of Household Registers Bill 2019, GAD a\anga lut chu Assembly a pharh tura pawm a ni bawk. Hei hi Supreme Court in order a pass anga hmalakna niin, a tum ber chu India khua leh tui nilo ten khua leh tui dik tak chauhvin ham\hatna leh chanvo an dawn tur an dawn ve loh nan leh mipui himna atana duan a ni.

Meeting chuan Lok Ayuka Chairman leh Member te Terms and Conditions of Service chu a pawm bawk a. The Aizawl Municipal Council Building (Amendment) Regulations, 2019 leh The Mizoram Real Estate (Regulation & Development) Rules, 2019 te pass a ni bawk. Handloom leh Handicraft chu Mizo hnam ziarang phochhuaktu pawimawh tak a nih avangin Mizoram sawrkarin chawisang tura hma a lak mekna ah ZOHANDO khar tura order a lo siam tawh chu kutthemthiamte leh Handloom lama eizawng ten an samkhai phah theihnan ZOHANDCO chu Facilitator atana rawtna lut chu a pawm bawk a. Mizoram Vehicle Taxation (Amendment) Bill, 2019 pawh pass a ni bawk a. Hemi hnuaiah hian Vehicle Lifetime tax hman mek chu instalment thum-a pek theih a ni ang.