Leilet-a siam thei ram hactare 74,644 awm

Agriculture Minister, C. Lalrinsanga chuan Mizoram-ah leileta siam theih ram hectare 74,644 a zau a awm a, chumi a\anga hectare 17,000 chuang hret chu leileta siam a nih tawh thu tunhnai khan Assembly a hrilh.

Assembly Session neih mekah ZPM Member, V.L. Zaithanzama zawhna chhangin Agriculture Minister, C. Lalrinsanga chuan Agriculture Department hian Mizoram pum Land Survey Data a neih loh avangin Mizoram pum Buh thar theihna zau zawng hriat theih chiah a nih loh thu a sawi a. Mizoram Remote Sensing Application Centre (MIRSAC) in an hmuh-chhuah danin Mizoram-ah hian ram zawl, leileta siam theih hectare 74,644 a zau a awm a, chumi a\anga hectare 17,000 chuang hretah leilet siam a ni tawh a. Hei bakah hian kum tinin tlangram lo neih a ni a, tlangram lo neihna atana buh thar theihna awm zau zawng hi chhut chhuah a ni rih lo niin a sawi.

Agriculture Minister chuan kum 2017-18 a Mizoram buh thar zat chu metric tonne 59,605 a nih thu pawh sawiin, kum 2016-17 khan metric tonne 61,516 tharin a hma kum 2015-16 khan metric tonne 62,089 thar a nih thu a sawi bawk.