Opposition Leader awm thei dawn rihlo

Mizoram Legislative Assembly Speaker, Lalrinliana Sailo chuan Mizoram Legislative Assembly-ah Leader of Opposition chu tun dinhmun ah an nei mai thei dawnlo tih a sawi.

Hemi chungchanga thuthar thehdarhtute zawhna chhangin Assembly Speaker, Lalrinliana Sailo chuan ZPM MLA, Lalduhoma, Opposition Leader ni tura ZPM MLA, Vanlalhlana’n a dilna chu a tlin zawhloh thu a sawi a. Assembly Speaker chuan Mizoram Legislative Assembly-ah Leader of Opposition chu tun dinhmunah an nei maithei dawn lo tih sawiin, Group Leader erawh neih theih anih thu a sawi a; Opposition Leader ni turin, MLA 10 neih a ngaih avangin tun dinhmunah awmthei an awmlo tih a sawi a. Group Leader tur chuan, danin a ngen angin, MLA 2 neih a ngai a, ZPM Joint Legislature Party a\angin Lalduhoma chu a ni thei a, Congress lam a\angin MLA, Zodintluanga pawh a ni thei bawk tih a sawi.

Assembly Speaker, Lalrinliana Sailo chuan Assembly Budget Session neih turah Budget puitling phartheih a ni dawnlo tih pawh sawiin, Budget puilting an neih dawn loh avangin sawrkar tharin ruahmanna a siam te pawh Vote on Account in kalpui a ni dawn tih a sawi bawk.