Home Guard ham\hatna tihhlawhtlin thuai beisei

Home Minister, Lalchamliana chuan Supreme Court thupek angin Home Guard duty te Police Constable hlawh ang pek an nih theih thuai a beiseiawm tih House a hrilh.

Nimin Assembly Session zawhna leh chhanna hunah Serchhip bialtu MLA, Lalduhoma zawhna leh zawhbelhna chhangin, Home Minister chuan, Supreme Court in Home Guard te Duty Allowance Police Constable hlawh zat ni tura thutlukna a siam tipuitling tawh State an awm leh awmloh Mizoram sawrkar in record a neih loh thu a sawi a, Supreme Court thutlukna angin Home Guard ten hlawh sang zawk an hmuh ve theihna tura rawtna sawrkarin a ngaihtuah mek thu a sawi bawk.

Home Minister chuan Home Guard te ham\hatna chu sawrkarin a ngaihtuah reng tih House chu hrilhin, sawrkar hmasa pawhin an ham\hatna tur hi alo rawt tawh tih a sawi a, amaherawh chu Finance Department in an lo reject niin a sawi a, tun sawrkar tharah rawtna siam leh niin Finance-ah a awm leh mek a, Supreme Court thupek a nih bawk vangin a phalsak mai a rinawm thu a sawi. Tun dinhmunah Home Guard mi 1,076 an awm mek tih Home Minister chuan sawiin, Central sawrkar chuan Home Guard te hlawh hi za a 50 a tum a, Mizoram sawrkarin za a 50 bawk a tum chhunzawm zel dawn niin a sawi. 

Zawhna neitu Lalduhoma chuan kum 2015 a Supreme Court thutlukna siam hi tihlawhtling turin Mizoram sawrkar vawi 3 a rawn hriattir tawh tih a sawi a, Police Constable te nen an duty a thuhmun deuh reng a, an hlawh erawh a \halo a ni, a ti. Home Guard te hian Mizoram chhung hmun hrang 100 a duty pawimawh tak tak an nei mek tih sawiin, an hlawh za a 50 hi central sawrkar tum a nih bawk vangin Home Guard dinhmun hi kan chei\hat chuan Mizoram sawrkar tan pawh a hlawk zawk a beiseiawm niin a sawi bawk.