Zawlpui-a Nul siam ten Nul an hlawkpui; Zikhlum in a vanglai a thleng chho mek

Serchhip Mat phai Zawlpui-a Nul neitute chuan an hlawkpui hle a, nikum 2018 chhung ringawt pawh khan an thlai thar a\angin cheng vbc. 4 chuang an lei.
Serchhip-a Horticulture thawktute hnen a\anga thudawn danin Zawlpui zau ah hian thlai chi hrang hrang engemaw zat chin a ni a, chung zingah chuan Zikhlum, Bawkbawn, An\am leh Maian te chu a lar zualte an niin heng kut hnathawktute thlai tharchhuah a\ang hian kumtin cheng tam tak leichhuah a ni \hin a. Nikum 2018-ah ringawt pawh khan Rs. 40,860,000 an leichhuak tih an sawi.
Serchhip Agriculture & Horticulture Cooperative Society Chairman, PC. Siamliana chuan Mat kam, Zawlpui hmuna Nul siam chu chhungkaw 100 chuang an ni tih sawiin, “Kumtluan in thlai chi hrang hrang kan ching a, kan hlawkpuiin chhungkaw engemaw zat chu an thlai thar a\anga In sa leh motor lei pawh an awm a ni,” a ti. PC. Siamliana chuan an thlai thar te chu a tam ber Aizawl-ah an hralh nia sawiin, hralh theih loh vanga chhia leh \awih a awm lem lo tih a sawi a, tun hnaiah erawh Bawkbawn thar a tam tham deuh avangin a hralhna kawngah harsatna tlem an tawk niin a sawi bawk. Zawlpui hmuna huan neitute thlai chi hi Horticulture department chuan an tum sak a, kawng an siam sak bakah training an pe \hin a. TATA NEIDA-in Tractor pein JICA-in hma an laksak mek bawk a ni.
Serchhip-a Zikhlum chingtu leh kharchhawng-a zuara sumdawngte chuan Mizoram pawn a\anga Zikhlum hi lakluh reng a nih avang leh heng te hi a man a tlawm avangin Zikhlum hralhchhuah kawngah harsatna an tawk tih an sawi a, hei vang hian sawrkar pawhin Mizoram-a Zikhlum thar a vanglai hi chuan State pawn a\anga lakluh hi khap thei se an duh thu an sawi a. Tunhnaia ruahtui tla a awm zeuh zeuh avangin Zikhlum chingtute chuan harsatna an tawh thu pawh sawiin, hei aia nasaa ruahtui hi a tla a nih hlauh chuan an Zikhlum thar tur ang an thar phak lo thei dawn niin an sawi a, |hal laia rial tla vak \hin te pawhin harsatna alo thlen tawh \hin thu sawiin, hei vang hian an thar vanglaia chak zawka an hralhchhuah theihna turin sawrkar lamin hma lak sak se an duh thu an sawi bawk.

Comments

Popular posts from this blog

PAN CARD an tih teh fo hi - Laldinpuia