Zofate Chawlhbuk sakna tur enfiah rel

MZP General Hqrs. chuan Bairabi Zophai-a Zofate Chawlhbuk sakna tur enfel turin tun thla chhungin thawhchhuah an rel.

MZP General Hqrs. hian nimin khan Aizawl-ah Executive Meeting neiin Bairabi, Zophai hmuna Zofate chawlhbuk sak chungchang hi an sawiho a, Bairabi Zophai hmuna Zofate Chawlhbuk sak a tum chungchangah an dinna ngaiah an la ding reng tih sawiin, Zofate Chawlhbuk hi sak chhunzawm leh turin an rel a. Sawrkar hmasa lakah MZP a bei dawn hnuin, Sawrkar thar a lo pian hnuin MZP chuan beiseina sang tak a neih avangin Mizoram sawrkar thar a lo pian ve leh Chief Minister leh Home Minister bulah lehkha pek a nih bakah \awngka ngei pawhin vawi tam tak a sawipui a, Bairabi bialtu MLA pawh sawipui a ni tawh tih sawiin, Assam leh Mizoram ramri enfeltu tur Committee sang, Core Committee pawh din thar leh turin ngen a nih thu an sawi a. Hetihlaia tun thlenga ramri ngaihtuahtu tur Core Committee din thar a ni lo chu Sawrkar in ramri hi a vei lo hle ah an ngai tih an sawi a. Ramri chungchangah chak taka hma la tura Mizoram Sawrkar chu ngen nawn lehin, tun March, 2019 thla chhung hian Bairabi, Zophai hmuna Zofate Chawlhbuk sakna tur enfel turin Bairabi, Zophai hmunah kal nise an ti bawk.