Latest News

MZP in Zohnahthlak khua te chan nawn duhlo

MZP General Hqrs. President, L. Ramdinliana Renthlei chuan Mizoram chhimlam-a Uiphum tlangdung a Mizo khua tam zawk Chakma in an luah sak tawh tih sawiin, tuna CADC area a Zohnahthlak khua la awm te chu chan nawn leh an duh tawh lo tih a sawi.
Mizoram chhimlam CADC Area-a Zohnathlak khaw hrang hrang tlawha zin MZP General Hqrs. hruaitute hian nizan hmasa khan CADC Area-a Parva khua ah Bawm Students Association, Parva Branch huaihawtin Vantlang Inkhawm an nei a, he hunah hian MZP President chuan CADC area chhungah Chakma Council thuneituten Zohnahthlak te kawng hrang hrang ah an lo en hrang \hin nia an an hriat avang leh he thil hi zirchiang tur leh Zohnahthlak te thlamuana an thlavang hauh tura kal an nih thu a sawi a. Uiphum tlangdung-a Mizo khua tam zawk Chakma in an luahsak tawh nia sawiin, tuna CADC area a Zohnahthlak khua la awm te chu chan nawn leh an duh tawh loh thu sawiin, heng khua te an chan zel loh nan MZP chuan hma a la chhunzawm zel dawn tih a sawi bawk.
MZP General Hqrs. President, L. Ramdinliana Renthlei chuan MZP chuan hnam inpumkhatna a ngai pawimawh hle tih pawh sawiin, “Khawvel hmun hrang hrang a kan unaute kan sawm khawm in, kan zawng chhuak \hin a ni. Hei hi a chhan chu tam kan duh vang a ni lo a, thisen a inzawm, chhulkhat kual, Chhinglung chhuak unau kan nih avanga insawmkhawm \hin kan ni. Parva khua hi ram thlaler anga ngaih ni mahse Zoram independent huna chuan ram laili a la ni dawn a ni,” a ti bawk.

Comments

Popular News (Last 30 Days)