Serchhip District fang mek

Lok Sabha MP inthlanpui neih tura Independent Candidate, Lalnghinglova Hmar chuan Serchhip District chhung fang mekin nimin khan Hrangturzo bial-a khaw hrang hrang a tlawh.

Independent Candidate Lalnghinglova Hmar hian tukin khan North Vanlaiphai khua tlawhin Vantlang Inkhawm ah thu a sawi a, kan ram, kan hnam leh kan sakhaw tan he inthlanpui-ah hian ding a nih thu sawiin, kan hma lawka MP Election lo awm turah hian kum 1998-a BJP Party te pawl din, National Democratic Alliance (NDA) lam thlawp MP Candidate te \anna lam chu a fuh dawnlo niin a sawi a. MP Candidate anihna anga mipuite tan engmah a tiam dawnloh thu sawiin, MP tih tur leh a hna te chu a hriatchian thu leh MP lo anih chuan \halaite tan eizawnna kawng zau zawk ngaihtuah sak a, Sport Level sang zawka Mizoram hunchhuah bakah MP Fund te a \angkai thei ang bera hman a tum thu a sawi a, mi \hen-khatten la patuai deuha an sawi chungchang sawi-fiahin, “Kan vanglai leh \hatlai hun hi ram leh hnam tan kan hlan tur a ni zawk,” a ti bawk.

Congress leh ZPM Party in an thlawp MP Candidate, Lalnghinglova Hmar (Tetea Hmar) chuan kumin Lok Sabha MP Inthlan lo awm tur chu kumdang zawng aia pawimawh a nih thu leh kumin MP Election chu MLA Election nen ngaihpawlha hriatpawlh lo tur leh Vote thlak uar tura mipuite sawmin, Party rilru dah \haa kan ram, kan hnam leh sakhua alo dam zel theih nan a chhinchhiahna (Symbol), Triangle-a vote \heuh turin a sawm bawk.

Serchhip District-a zin Lalnghinglova Hmar hian nimin khan Hrangturzo bial khaw dang te pawh a tlawh nghal a, he bialtu MLA hlui, Vanlalawmpuii Chawngthu leh Party hruaitu dang ten \awiawmin karleh lam khian Serchhip biala khaw hrang hrangte pawh a fang leh dawn niin kan thudawnna chuan a sawi bawk.