BBBP Committee buatsaihin Serchhip-ah International Women Day hman a ni

International Women Day, 2019 chu nimin khan Serchhip-ah Beti Bachao Beti Padhao (BBBP) Serchhip District Task Force Committee bultumin hman a ni a. He hun hi Hmeichhia te pawimawhna inzirtirna atan leh BBBP hmalakna chungchang ASHA Workers te hnena hrilhhriatna ni atana hman a ni.

Serchhip DC’s Conference Hall-a International Women Day puala inkhawm hi Serchhip District Bawrhsap, Sangchhin Chinzah chuan khuallian nia hmanpuiin Bawrhsap chuan chhungkua chu khawtlang leh ram laimu a ni tih sawiin, chhungkaw khaikhawmtu leh enkawl chhuaktu chu nu an nih thu leh chuvang chuan khawtlang enkawla dinchhuaktu chu nu te an ni tih theih a nih thu a sawi a. “Kan fate kan enkawl dan hi thil te tham leh holam takah kan ngai tur a nilova, kan fate kan zirtir hian \hangthar kan zirtirin, khawtlang kan zirtir nghal a ni tih kan hrereng tur a ni,” a ti a. He huna kalkhawm ASHA te chu nu in nau an pai a\anga an hrin hnu thlenga lo kaihruaitu an nih avangin an hnathawh chu a pawimawh hle a, theihtawp chhuaha an hna thawk zel tura chahin a chah bawk. Khuallian hian BBBP Serchhip hmalakna a\anga ASHA ten an hnathawhna lama an hman tur Zozeh Bag a sem nghal bawk.
Nimin-a he hun hman ah hian BBBP Nodal Officer, H. Lalhruaitluanga, MCS chuan BBBP hmalakna pakhat, Serchhip District chhung Village Council tina dah tur naupiang chhinchhiahna Board, vantlang hmuh theiha tar tur (Guddhi Guddha Board) chungchang sawifiahna neiin, a enkawl dan tur te a sawifiah bawk a. Chumi hnuah Guddhi Guddha Board te hi khawtin ASHA te hnenah Dr. Laldawngliana Sailo, CMO chuan hlanna a nei nghal a. Dr. Laldawngliana Sailo hian nimin a\anga India ram puma March ni 22 thlenga kalpui tur, POSHAN PAKHWADA chungchang sawifiahna a nei nghal bawk.
International Women Day puala inkhawm hi Serchhip DIPRO, K. Saitluanga, MIS chuan kaihruaiin he hun hman a nih chhan sawifiahna neiin kumin Women Day thupui chu 'Balance for better' a nih thu te a tarlang a. Serchhip District-a hmeichhiate dinhmun tlangpui sawiin, BBBP hmalakna hnuaia ruahmanna hrang hrang te tarlanna a nei bawk.
Nimin a he hun hman ah hian Serchhip District chhunga ASHA te telin Serchhip District Medical Superintendent, Dr. ZD Lalmuanawma leh RMSA-a Deputy DPC, PC. Vanlalluna bakah mi pawimawh dangten an tel pui bawk a ni.

Comments

Popular posts from this blog

PAN CARD an tih teh fo hi - Laldinpuia