Mizoram chhimtawp-ah rahpuah bomb rap puak

Niminpiah (Thawh\anni) zing dar 7:00 vel khan Lawngtlai District chhung, CADC in a huam chhunga Bandukbanga khuaa cheng Birendra Kumar chuan rahpuah bomb rapin hliam na tak a tuar.
Bangdukbanga khua hi Mizoram chhim tawp-a India leh Myanmar inrina bul, Tuichawng kam a awm niin he khua hi tunhnaia Myanmar sipai leh Arakan Army te inkara harsatna thleng avangin Assam Rifles, BSF leh SIB ten an awmchilh mek a. Helai a sipai duty te hian ram lama chhuah la khap mah se helai vela cheng te hi khawsak harsa leh nitin eichawp zawnga khawsa an nih avangin Birendra Kumar hi a \hiante mipa 3 leh hmeichhe pakhat nen Thawh\anni khan chawhmeh zawng turin ramri hnaih ah hian an chhuak a. Ramri Pillar No. 2 bul lawk, India ramchhung chinah rahpuah bomb hi rapin a Ke-ah hliam na tak a tuar a. Bomb hian a ke veilam chu ngalrek hnuai chinah a thlawh darh vek a ni. Vanduaina tawk Birendra Kumar hi Lawngtlai District Hospital-ah hruai niin nimin vek khan Lunglei-ah lak nghal a ni a, he bomb hi tute kam nge erawh hriat a ni lo thung.

Comments

Popular posts from this blog

PAN CARD an tih teh fo hi - Laldinpuia