Mihring pung chak ngaihthah chi a nilo - Dr. Kenneth-a

ZPM Sr. Vice Chairman, Dr. Kenneth Chawng-liana chuan India ram State leh UT zawng zawnga mihring pun chak dan tehna ah Mizoram chu pathumna a nih thu sawiin, hei hi ngaihthah chi a nih loh thu a sawi.
ZPM in nimin-a Aizawl-a an Office-a Chhung Inkhawm an buatsaih ah ZPM Sr. Vice Chairman, Dr. Kenneth Chawnglian hian thu sawiin India ram State leh Union Territory zawng zawng zingah mipui pun chakna, Population Growth Rate percentage-ah Mizoram chu pathumna a nih thu sawiin, hei hi ngaihthah mai chi a ni lo tih a sawi a. Mizoram-a mihring pun chakna chhan chu dan lova Mizoram-a lo lut (Illegal Imigrant) Chakma leh Tuikuk-te vang a ni ber tih sawiin, hei hi kan sawrkar lo hrawn tawh ten an ngaihthah vang a nih thu a sawi a. “Mizoram-a sawrkar kan neih tawhte zingah Brig. |hen-phunga kaihhruai PC party te chauh kha hma latu awmchhun an ni,” a ti bawk.
Citizenship Amendment Bill chung-chang sawiin Dr. Kenneth Chawngliana chuan, India ram MP (Lok Sabha) inthlan 2019-ah BJP President, Amit Shah chuan BJP an sawrkar chuan CAB hi an pass ngei dawn thu a sawi tih sawiin, Mizo mipui zawng zawng ten he inthlanna ah hian BJP leh a sangawizawnpuite kan vote tlinloh a \ul takzet tih a sawi a. “ZPM chuan BJP duhdana ban phar ve lo tur MP thlangchhuak ngei turin Mizo mipui zawng zawng kan sawm a, kan \halaite zinga CAB avanga Mizo Nationalism-a harhtharna lo thleng hi a lawmawm takzet a ni,” a ti bawk.
Nimin a ZPM in Chhung Inkhawm an neih zawh hnu hian an Party Office-ah hian ZPM Legislature Party leh Caucus member te chu \hu-khawm nghalin MP inthlan leh MLA By-Election lo awm tur chungchang an sawiho a. He hun hi ZPM Steering Committee Chairman, Upa Lal-liansawta chuan kaihruaiin an thurel erawh hriat a ni rihlo thung.

Comments

Popular posts from this blog

PAN CARD an tih teh fo hi - Laldinpuia