Private Resolution 2 pawm

Nimin a Mizoram Legislative Assembly Session-ah Private Member Resolution pahnih chu pass a ni.
Nimin a Assembly Session-ah hian zawhna leh chhanna hun hman zawh a nih hnuah Eptu Member, Vanlalhlana resolution putluh, “United Nations Declaration on the right of Indegenous People 2007 hi a hlawhtlin nan India sawrkar-ah na taka nawr ni rawh se” chu Resolution puluttu in House-in a pawmpui a ngaih thu te a sawi hnuah member-te’n an sawiho a. Sawihona ah hian House Leader, Chief Minister, Zoramthanga leh Home Minister, Lalcham-liana te pawh telin, thu sawitu zawng zawngin resolution \ha tak, member zawng zawngin \ha an tih tlan a nih thu an sawi a. Speaker kaihhruaiin he resolution hi pawm a rem leh rem loh buk a ni a, remti lo tumah an awm loh avangin House-in lungrual takin a pawm a.
Hemi hnu hian ruling MLA, Lalrin-tluanga Sailo resolution – “Kan khawpui Aizawl laili taka awm Assam Rifles, hun rei tawh tak a\anga chhuak tura ruahmanna lo siam tawh chu Pu Zoramthanga kaihhruai sawrkar tharah an lo chhuak dawn ta hi lawmawm kan ti hle a ni” tih chu sawiho zui leh a ni a. He resolution pawh hi eptu lam leh ruling member, thusawitu zawng zawngin \ha an tih thu an sawi vek a. Thu sawitu zingah Chief Minister, Zoramthanga pawh telin, Resolution-a a hming lang lai chu paihin pawm ni se, a ti a; hei hi Resolution neituin a pawmsak theih avangin Resolution chu tlema her remin, “Kan khawpui Aizawl laili taka awm Assam Rifles, hun rei tawh tak a\anga chhuak tura rua-hmanna lo siam tawh chu an lo chhuak dawn ta hi lawmawm kan ti hle a ni,” tiin House-in lungrual takin a pawm ve leh a ni.
Hemi hnu hian Assembly \hutkhawm hi tihtawp zui niin karleh Thawh\anni-ah chhun-zawm tura ruahman a ni.

Comments

Popular posts from this blog

PAN CARD an tih teh fo hi - Laldinpuia