World Hearing Day pualin Serchhip-ah a thlawna Beng entirna buatsaih a ni

Nimin March 4 hi ‘World Hearing Day’ a ni a, he Ni pual hian Serchhip-ah Rally neih a nih bakah kum 60 chin chunglam te tan a thlawna Beng inentirna hun buatsaih a ni bawk.
Kumin a World Hearing Day-ah hian thupui atan ‘Check your Hearing’ tih chu hman niin he Ni pual hian nimin zing khan Serchhip Kawnpui Branch K|P te chuan Serchhip-ah Rally an nei a, Beng enkawl uluk a pawimawh zia inzirtirna thuziak te tarchhuah a ni.
Hemi hnu nimin chawhma dar 10:00 a\ang khan Serchhip damdawi In-a Eye OPD-ah World Hearing Day pual hian inkhawm neih leh niin a thlawna inentirna neih nghal a ni a, he hunah hian ENT Surgeon, Dr. Rita Zoramthari, District Nodal Officer, NPPCD chuan thu sawiin mihring ten Ri hriatna lamah harsatna kan neih chuan harsatna tam tak kan tawk thei tih sawiin, kan Beng a \ha emaw kan tih lai hian harsatna kan lo nei ru reng thei tih a sawi a, hei vang hian kan Ri hriatna dinhmun hi kan enfiah ve fo a \ul thu a sawi a. Beng chauh ni lovin kan taksa a natna te a hun taka hriatchhuah a nih chuan awlsam taka enkawl dam theih a nih \hin thu sawiin, hei hian sum tam tak kalral tur a ven theih thu a sawi bawk. He hun hi Serchhip District Medical Superintendent, Dr. ZD. Lalmuanawma pawhin a hmanpui a, NPPCD hnathawh dan leh an hmalakna hrang hrangte pawh he hunah hian tarlan a ni bawk.
Hemi hnu hian kum 60 chunglam te tan a thlawna inentirna hun hman zui nghal a ni a, he hunah hian Beng lama harsatna nei te chu a thlawna an Beng dinhmun khawl hmanga enfiah a nih bakah a \ul angin damdawi te chawh nghal an ni bawk a, Beng enfiahna man hi Dan pangngai ah chuan Rs. 200/- a ni a, nimin a Beng lama harsatna nei te tana inentirna hunah hian mi 60 vel zet an inentir a ni. Nimin a Serchhip-a hun hman a nih rual hian District hrang hrang \henkhat ahpawh hun hman a ni a, Mizoram puma World Hearing Day denchhena damlo in entir hi mi 165 tlingin Beng ri hriatna \ha lo (hearing loss) mi 75 hmuhchhuah an ni.
World Hearing Day hi National Health Mission (NHM) hnuaiah National Programme for Prevention and Control of Deafness (NPPCD) bultumin Serchhip-ah hian hman a ni a, tun \um hi Serchhip-a he Ni puala hun hman hmasak ber niin NPPCD hian Serchhipp District Hospital-ah Clinic neiin Beng enna khawl pahnih (2) neiin thawktu pahnih ten an vil mek a. NPPCD hi Beng hriselna leh Ri hriatna kawnga hma kan lo sawn theihna tur leh Bengngawng kan lo lem theihna tura hma latu niin ENT Surgeon, Dr. Rita Zoramthari kaihhruaina hnuaiah nitin OPD-ah hian an \hu ve \hin a ni.

Comments

Popular posts from this blog

PAN CARD an tih teh fo hi - Laldinpuia