Bialtu MLA in Serchhip damdawi In a tlawh

Serchhip bialtu MLA, Lalduhoma chuan tunkar Ningani khan Serchhip District Hospital, JN Hospital Serchhip chu tlawhin damdawi In mamawh hrang hrangte a enkual a, thawktute nen inkawmna an nei bawk.

Serchhip damdawi In tlawhtu bialtu MLA, Lalduhoma hi District Medical Superintendent, Dr. ZD. Lalmuanawma leh a thawhpui ten lo dawngsawngin Serchhip dam-dawi In a Ward leh Room hrang hrang te tlawhin thawktute dinhmun leh an khawl neih dan te a enpui a. Hemi hnu hian CMO Conference Hall-ah inkawmhona an nei zui a, Hospital hotute nen damdawi In mamawh hrang hrang sawihoin, damdawi In tih changtlun chu Serchhip khua leh a chhehvel in kan mamawh ngawih ngawih a nih avangin ngaihthah mai mai chi a nih loh thu te an sawi a. Bialtu MLA, Lalduhoma chuan, Serchhip District chiah Distict Hospital chang-tlung nei lo awmchhun a ni chu zahthlak a tih thu sawiin, “Hmalakna awm si lova lungphum phum ngawt a tawk lo a ni,” tiin khati chen Chief Minister bial ni si a, District Hospital lungphum phum ringawta hmalakna leh tih changthlunna awm chuang miah si lo chu a dem takzetin a zahthlak hle a tih thu a sawi bawk.

Serchhip bialtu MLA, Lalduhoma hian Serchhip Field Road-a MJA Serchhip District in Serchhip Press Club sak hna an thawh \anna hmun pawh a tlawh nghal bawk.