Mizoram Larsap a bang

Mizoram Larsap, Kummanam Rajasekharan chuan Larsap hna a bansanna chu India President hnenah a thehlut a, India President chuan a banna hi a pawm sak nghal.

Mizoram Larsap, Kummanam Rajasekharan hian May 2018 khan Mizoram Governor hna a chelh \an a, thla 9 hnuah politics lam luhchilh leh turin Governor hna hi a bansan leh ta a, a banna hi India President hnenah thehlutin nimin khan President Office hian a banna hi pawm sak a nih thu a sawi a ni. Mizoram Larsap a\anga a ban hnu hian Kummanam Raja-sekharan hian BJP's Kerela Unit a zawm a, Thiruvananthapuram bial-ah Lok Sabha inthlan hunah BJP Ticket in an candidate nghal dawn a, Congress MP Shashi Tharoor khin thlâk a tum dawn a ni. Mizoram Larsap a\anga Kummanam Rajasekharan a bân tâk avang hian Assam State Governor, Prof. Jagdish Mukhi chuan Mizoram Governor hna a chelh tel rih dawn a, Vawiin ah rinawmna thu tiam tira lakluh nghal a ni ang.