Sawrkar hnathawklo te tana Pension Scheme PM-SYM hawnna Serchhip-ah neih a ni

Nimin khan Prime Minister, Narendra Modi chuan Gujarat-ah Pradhan Mantri Shram Yogi Maan-Dhan (PM-SYM) hawnna a nei a, hemi rual hian Serchhip-ah pawh District Bawrhsap, Sangchhin Chinzah hovin PM-SYM hawnna hi neih niin February 15 a\ang khan Registration hi tih \an theih a ni tawh a ni.

Nimin chawhma dar 10:00-a Serchhip DC’s Conference Hall-a Pradhan Mantri Shram Yogi Maan Dhan (PM-SYM) hawnna inkhawm ah hian District Bawrhsap, Sangchhin Chinzah chuan PM-SYM chu India khua leh tui, hnathawh mumal tak nei lova inhlawhfa leh eizawng, thlakhat a Rs. 15,000 lalut tling phalo te tana Pension Scheme a nih thu a sawi a. Khua leh tui kum 18 a\anga kum 40 inkarte tana thlatin sum tlem te te Bank kaltlanga dahluha, kum 60 tlin a\anga thla tin Rs. 3000 leh a aia tlemlo Pesion Fund dawn theihna a ni, a ti a. He Scheme thar hi India Prime Minister chuan nimin vek khan Gujarat State a\anga hawngin hemi rual hian ramchhung hmun hrang hrangah pawh a hawnna hi neih a nih thu a sawi bawk.
Nimin-a Serchhip-a PM-SYM hawnna buatsaih tur hian Labour, Employment, Skill Development and Enterpreneurship Department-a Assistant Director, David Lalfakzuala leh a thawhpuite Aizawl a\angin an rawn tel a. An ni hian kalkhawmte hmaa he Scheme thar chungchang hi sawifiahna neiin kalkhawm ten an thil hriatchian duhte zawhna hun an nei bawk a. He hunah hian Serchhip-a Head of Offices te, VC aiawhte, tlawmngai pawl aiawhte, kuthnathawktute, chanchibu mite leh midang engemawzat an tel a ni.
Pradhan Mantri Shram Yogi Maan Dhan (PM-SYM) hi India khua leh tuite tana sawrkar in ‘Digital India’ a kalpui mek hnuaia India khua leh tui dik tak, kum 18 leh 40 inkar, kut hnathawk leh hna mumal leh hlawh mumal neilo te tana Pension Scheme thar a chhawpchhuah a ni a. PMSYM hnuaiah hian upa tawh ten nitin mamawh an tlakchham lohna tur leh hlawh \ha tak an hmuh theihna tur ruahman a ni a; mahni mimal duhnaa inpek leh sum thawh vena ‘pension scheme’ a nih angin sawrkar laipuiin an sum dah zat ang zelin a chhanglet dawn a, a tlem berah Rs. 55/- leh a tam berah Rs. 200/- dah theih a ni dawn a, a dahtute kumzat a zirin an dah tur zat pawisa hi a inanglo a ni.
He scheme-in a kawh ber te chu nitin kuthnathawk te, khawlaia sumdawng te, ei-chawp dawr nei te, loneitu te, Insakna-a inhlawh te, mahni-a sumdawng te, puan\hui te, mi dawra thawk te leh hna chi hrang hrang thawk, thla khata Rs. 15,000 hlawh tlinglo te an ni. He PMSYM hnuaia inziaklut te chuan kum 60 an tlin hnuah thla tin Rs. 3,000 an dawng tawh ang a, he scheme-a inziaklut te an lo boral palh a nih pawhin an rokhawmtu atana an ruat ten an chanvo tur hi an chang thei dawn a ni.
He scheme hnuaia inziaklut duh te chuan a vawikhat nan District tina E-District Facilitation Centre emaw, khaw tina Common Service Centre (CSC)-ah emaw pawisa fai an pe phawt ang a, a bak chu an Saving Bank Account-a an sum neih a\angin an buaipui ngai loin a lo inpe mai dawn a ni. Sum hi inziahluh a\anga kum 60 an tlin hma chu pek chhunzawm zel tura ruahman a ni. PMSYM scheme-a a inziaklut duh te chuan Mobile Phone Number, Aadhaar leh Saving Bank Account an nei ngei tur a ni.

Comments

Popular posts from this blog

PAN CARD an tih teh fo hi - Laldinpuia