Chief Minister leh Japan Ambassador inkawm

India rama Japan palai Pu Kenji Hiramatsu chuan nimin khan Chief Minister, Zoramthanga chu a chenna-ah kawmin Mizoram leh Japan thawhhona hna thawh mek leh thawhho zel dan tur te an sawidun.

Nimin a an inkawmna ah hian India rama Japan palai, Kenji Hiramatsu chuan Mizorama hna kal mek an neih, National Highway-54 Aizawl-Tuipang kawng siam te leh Japanese International Cooperation Agency (JICA) hnuaia Agriculture lama intodelh tura hmalakna te chu kalpui zel a nih tur thu a sawi a. Chief Minister chuan Mau hmanga Mizoram hmasawn leh intodelhna hnathawh theih dan tur sawipuiin, Japanese Ambassador, Hiramatsu pawh chuan \ha tihpuiin, chumi atan chuan mithiamte inbe tawn se a ti bawk.

Mizoram leh Japan chu khuarel chhiat tawk fo \hin an nih ve ve thu sawidunin, Japanese Ambassador chuan heng khuarel chhiat laka inven leh lo inpuahchah dan hun rei tak an lo zirchian tawhna te leh Technical Resource te chu Mizoram in a hman \angkai ve theih dan Chief Minister a sawipui a. Ram pahnih inlaichinna a lo \hat zawk zel nan mihring chengte intlawhtawn theih nan programme siam \hin \ha a tih thu Japanese Ambassador chuan sawiin, Mizoram-ah pawh chutiang atan chuan kawng dap theih nise a ti a, Japanese \awng zirna Class neih chungchang pawh an sawi bawk.