Zorama’n an khingpui te an hlauhawm loh tih sawi

MNF President leh Chief Minister, Zoramthanga chuan Lok Sabha MP inthlanpui neih tura an khingpui te chu an hlauhawm loh thu a sawi.
Zoramthanga hian nimin khan Kawnpui, Kolasib, Bilkhawthlir leh Vairengte khua te tlawhin heng khaw hrang hranga Vantlang Inkhawm ah thu a sawi a, MNF President chuan Vairengte-a thu a sawina ah an khingpui turte hi an huphurhawm loh em em tih sawiin, “Pu Duhawma leh Pu Sapdanga pawl ZPM chu Congress nen an \angho ta a. ZPM chu an vanglai a liam der tawh tih kan hre awm e. 'MNF an \ha lo, Congress an \ha lo' tiin an au a, heti hian an thawkho leh mai a. Congress pawh thawhpui duh ta chu kahchhuah tak tak tlak an ni lo. Tu chiah nge an nih kan hre chho ta mek a ni,” a ti a. “Congress lah kan hria a, Zu zawrh avanga \halai tam tak thihna thlentu, hmeithai leh fahrah tam tak siamtu an ni a. Hmanni maiah mipuiin kan ning a, kan paihthla a, development engkim tichawltute an ni a. Chuvangin, kan khingpuite hi an huphurhawm lo hle a ni,” a ti. “Zu zuar tura fuih pawrhtu ZPM hotute leh Zu zuar Congress an thawkho ta a ni,” a ti bawk.
MNF President chuan anmahni beihna ber chu Citizenship Amendment Bill a nih thu pawh sawiin, “He Bill do hian min beitute hian kan beih zat an bei lo. Kan theih tawk kan chhuah a, CM ka nih phata ka beih hmasak a ni a, Prime Minister pawh opposition nia CM lo ni-ho \hin kan ni a, ka nel sa a ni a. A hnenah pawh hian kan duhloh thu na takin ka thlen a. Home Minister pawh \um hnih ka hmu hial a. Cabinet Meeting-in kan duh loh thu kan pass a, Assembly House-ah meuh kan pass bawk. Kan theihtawp kan chhuah a, heti chung hian 'hma an la \ha lo' min ti a, sawisel tur zawng hrim hrim an ni,” a ti bawk.

Comments

Popular posts from this blog

PAN CARD an tih teh fo hi - Laldinpuia