SEDP atan cheng Nuai 45000 chuang dah

Aizawl East-II bialtu MLA leh Minister nibawk, Robert Romawia Royte chuan mirethei leh harsate dawmchhuahna tur SEDP chu a taka kalpui nghal anih theih nan Kumthar Budget-ah cheng nuai 45000 chuang dah anih thu a sawi.
Aizawl East-II MNF Block buatsaiha Armed Veng South leh Chhinga Veng-a MP Election Campaign neih a hmanpuina ah Robert Romawia Royte chuan Zoram Sawrkar tharin Election Manifesto a taka a tihhlawhtlin mek dan sawiin he thu hi a sawi a. Sawrkar Budget tharah hian tunhmaa la awm ngailo \halaite hmasawnna tur chi hrang hrang dah anih bakah infiamnaa hma kan sawn theihnan Mizoram State Games leh District Games neihna tur pawh ruahman thar a nih thu a sawi. Robert Romawia Royte chuan Congress Sawrkar khan NLUP kha an sawrkar a\anga kum 3 zet hnuah cheng nuai 23482 chauhvin atakin a kalpui \an thei chauh nia sawiin, an Sawrkar hun chhung zawng khan NLUP-ah cheng vbc. 1526.14 leh NLUP Convergence with CSS-ah cheng vbc. 1000.34 chiah an hmang niin a sawi a, “Mizoram Chief Minister leh Finance Minister nibawk Pu Zoramthanga'n a kumkhatna ah a bul\an nan SEDP atan State Budget sum cheng nuai 45000 zet a dah theih chuan Central sum hailuh tur nen chuan Sawrkar term pumpui chhung chuan a zarzotu leh changkan puitu an tam ngawt ang,” a ti bawk.

Comments

Chhiar Hlawhte