Sports Minister in Lungchhuan-ah Tuichangral South Group YMA Conference a hmanpui

Tuichangral South Group YMA Conference vawi 46-na chu nimin khan Sports & Youth Services Minister, Robert Romawia Royte chuan khuallian niin a hmanpui.
Nimin a Tui-changral South Group YMA Conference Tu-chhingpa Hall, Lungchhuna-a neih a hmanpuina ah hian Sports Minister chuan Tuichangral chu Zoram mi chhuanawm tam tak lo chhuah tawhna, hlang deuh taka Zofate chenna hmun a ni tih sawiin, a hming ringawt pawh hian lung a tileng tih a sawi a. Hei mai bakah hian YMA General Conference lo awm leh tur chu North Vanlai-phai-in a thlen dawn avanga rawn tlawh hmasak \ula a hriat thu leh YMA Conference leh Tourism chu awmze nei taka kalkawp tir theih nia hriatna te a awm bawk avanga he hun pawh hi hmanpui a nih thu a sawi a. YMA chu kum bithliah te, Kohhran leh kawng danga inthliarna awm lohna pawl anih avangin a hlu hle tih a sawi bawk.
Sports Minister chuan \halaite chu tum sang tak leh rilru paukhauh tak nei tura fuihin zirna leh hriatna chu mihring chakna hnar a nih avanga ngaihlu deuh deuh turin a chah a, chutihrualin zirna lama kan lo thleng sang vaklo a nih pawhin hnual nan hman tur a ni chuang lo tih sawiin, “Khawvel ah hian zir sang lo sumdawnna leh thilsiam lama hlawhtling sawi tur hi an tam em em tih hriain, ram mipuite mamawh sumdawnna lam kawngah penchhuak ngam ila, sawrkar hna chauh beisei lovin \an ila thar ang u,” a ti a. Mizoram sawrkar chuan ram mipuie \awiawmna \ha leh \awng\aipuina a mamawh tih sawiin, “Kan ramin hma a sawn zel theih nan in thawhpuina ka ngen che u a ni,” a ti bawk.
He inkhawm hi an Group YMA President, R. Lalremkunga chuan a kaihruai a, Secretary, C. Thanmawia Hmar hnen a\anga report ngaihthlak niin an Group huamchhungah hian Branch 19 leh Joint YMA 1 awmin member 9803 an awm a, heng zinga 5595 hi mipa niin hmeichhia 4208 an awm a. Life Member 213 awmin Hruaitu hlun chawimawina dawng tawh 80 an awm bawk a. Kum kalta chhung khan an member boral 59 an awm bawk.
Sports Minister hian Group YMA Conference thlengtu Lungchhuan khuaa Games & Sports Association chu Jersey set, Football, Volleyball leh Net te a pe a. Lungchhuan khawtlangin an mamawh an dilte pawh theihtawp chhuaha a ngaihtuah sak tur thu a hrilh bawk.

Comments

Popular posts from this blog

PAN CARD an tih teh fo hi - Laldinpuia