BJP a hlauhawm loh - Himanta Biswa Sarma

Mizoram Assembly inthlanpui neih tura BJP aiawha Mizoram viltu, Himanta Biswa Sarma chuan BJP chu kristian tan a hlauhawm loh niin a sawi.

Himanta Biswa Sarma hian nimin khan Aizawl-a Mizoram State BJP Office chu tlawhin thu a sawi a, he hunah hian Himanta Biswa Sarma chuan Mizoram-ah BJP te Kristian te tan a hlauhawm niin sawi a awm \hin thu sawiin, “Assam-ah BJP Kristian Cabinet Minister pahnih kan nei a,Portfolio pawimawh tak tak an chang a ni. Assam-ah hian Kristian te an tlakchhamna leh harsatnaah vawi tam tak chhawmdawlna pek an ni tawh a. BJP hian mi tam tak rinna a hlawh chho mek a, sakhua, chi leh hnam hrang hrang te a ngaihsak em em a ni,” a ti a, hmangaihna leh inremna chu an duh ber a nih thu a sawi bawk.

Himanta Biswa Sarma chuan Assembly inthlanpui lo awm turah Mizoram-ah BJP chu an mal din dawn tih pawh sawiin, “Mizo mipuite zarah sawrkarna kan siam theih ngei pawh ka ring a, Mizo mipui smart leh fel tak te hian sawrkar \ha neih hi in chanvo a ni a, chumi Sawrkar \ha leh hmasawnna dik thlen turin BJP Sawrkar kan mamawh a ni. Chuvangin Mizoram mipui te tun inthlan a BJP Sawrkar theih nan a thawhpui atan ka sawm tak meuh meuh che u a ni,” a ti bawk.