Thuneihna semzai tum

MNF Vice President, R. Tlanghmingthanga chuan MNF a lo sawrkar chuan thuneihna sem-zai (decentralisation of power) chu a takin an kalpui dawn tih sawiin, "Kan sawrkar chu a ruaitu mipui an ni ang a, a taka thawktu chu kan Minister leh MLA-te an ni dawn a ni," a ti.
Nimin a Leng-pui Community Hall-a Mamit East MNF Block Conference leh Mithar lawmluhna inkhawm a hmanpuina ah he thu hi sawiin MNF Vice President, R. Tlanghmingthanga chuan mipuiten MLA leh Minister-te hnenah 'Min tihsak rawh' tia an dawr \hin leh an kawngka bula nghaka zingtin an kam\ha changa an \hu \hup \hin chu tihtawp an tum dawn tih sawiin, "Village Level-ah Panchayati Raj kaltlangin mipuiten an tihtur kan relsak ve tawh ang. MNF MLA-te chu mahni tana MLA ni lo, mipui leh ram tana MLA turte an ni," a ti.
MNF dinchhan sawiin R. Tlanghmingthanga chuan, "Mizo mipuite hi kan piantirh a\angin MNF kan ni vek tih hi kan pawm dan a ni a, chutih laia MNF nilova inhre tlat leh pawl danga lungleng kan awm hi a pawi kan ti a, India luipui-a min luhpui tum tlattu pawl te, chumia tui-a lungawi tura kan inzirtir tlatte hi a pawi hle a ni. Kan hmalawka inthlan lo awm turah hian Mizo hnam leh Mizo hnam ni lova inngaite inbeihna ah kan lut ta mek a, MNF hi Mizo hnam tana din a ni a. Mizo hnam chhan tur hian kan hnam hralh lo zawngin i \ang ang u. NLUP an semte hi kan ta ni sa sum an sem mai a ni," a ti bawk.

Popular posts from this blog

PAN CARD an tih teh fo hi - Laldinpuia