Latest News

ECI Officials ten Vawiin ah Mizoram an tlawh dawn

Vawiin Oct. 16, 2018 hian Election Commission of India-a Member-te leh Official pawi-mawhte chuan zankhat riakin Mizoram an rawn tlawh dawn a, anmahni hmuah dan tur leh an cham chhunga meeting pawimawhte neihpui dan tur buatsaihna kal mekah nimin tlai khan Mizoram CEO, SB. Shashank, IAS hovin ama pisa-ah Election kaihhnawih Officials pawimawhte an \hukhawm a ni.
Tun \umah hian ECI Member 3 te chu a kimin an lo kal thei dawn bakah an rual hian Election Commission-a Senior Officials 4 laiin an rawn zui dawn avangin CEO, SB. Shashank chuan hetianga Mizoram ngai pawimawha ECI atanga an lo kal tur hi a lawmawm hle a ni, a ti a, State Official-te pawhin anmahni lo lawm thiamin leh theihtawpin kan lo enkawl tur a ni, a ti bawk.
ECI Member-te leh Official-te hian Aizawl-a an cham chhungin Mizoram District 8-a DC/DEO leh SP zawng zawngte an kawm dawn bakah Election kaihhnawih Officer pawi-mawh te, Security lam te, Political party aiawhte leh chanchinbu mite an kawm ang.
Hetihlai hian NGO Coordination Committee hruaitute chuan Mizoram rawn tlawhtu ECI Official te hi Bru chungchang lo sawipui an tum thu an sawi a. NGO Coordination Committee hruaitute chuan Electoral Roll ennawnna a Mizoram pawn Tripura Relief Camp 6-a Bru vote thun belh chungchang buaipui tura Election Commission-in Mizoram sawrkar thu a rawn pek chungchanga an lawm loh thu lo thlen an tum thu leh thlen an tum thu leh Mizoram-a an lokir hunah Electoral Roll hi ennawn mai ni se an duh thu an lo thlen nawn leh dawn niin a sawi a. Bru Vote neite chu ECI intiamna angin Mizo-ram chhung ngeia Vote thlak tir tura an beisei thu an sawi bawk.

Comments

Popular News (Last 30 Days)