Latest News

Central YMA Inthlan thuchah

CENTRAL YOUNG MIZO ASSOCIATION

MIZORAM : AIZAWL

INTHLAN THUCHAH 2018


Central YMA-in ‘Inthlan Thuchah’ a chhuah \hinte min ngaih pawimawh sak \hin avangin leh min zah der sak thin avangin Central YMA chuan Mizoram mipui leh Political Party-te chungah lawmthu a sawi a. India ram puma entawn tlak Inthlanna felfai leh muanawm tak kan neih leh ngei theihna turin Central YMA chuan 2018 General Election atan “Inthlan Thuchah” a siam leh a. He “Inthlan Thuchah” hi ngai pawimawh a, zawm ngei turin Mizoram mipui leh Political Party tinte a ngen a ni.
1. Kan ram rorelna hi mipui siam a ni a, a chhiat a \hatah mawhphurtu kan ni tih hriain, khua leh tui dik takte chu vote thlak \heuh turin kan inngen a ni.
2. Mizo hnahthlak zingah chibing/Kohhran bil inthliar hrang zawnga chetna hi Central YMA chuan \ha a ti lova. Kan hmaa Inthlanna kan neih turah pawh chutiang zawnga hma la lo tur leh chibing/Sakhaw bing puala Candidate siam lo turin Political party leh mipuite kan ngen a ni.
3 Political Party hrang hrangte leh Party Official Candidate ten khawtlang huapa ruai siam hi Central YMA chuan \ha a ti lova, tumahin hetiang zawnga khawtlang huapa ruai siam lo turin kan ngen a ni.
4. Aurinna hman chungchangah Political Party tin ten Sawrkar-in a phal dan ang bak leh khawtlang tana ninawm leh hnawksak thei tur ang chi chu tihloh hram ni se.
5. Candidate te hi ram hruaitu turte an nih avangin Zu ruih hmangte, Eiruk chingte leh nungchang thlahdahte an lo awm palh a nih pawhin vote loh ngam nise.
6. Naupang kumtlinglo leh thil kalphung hre phalo te, inthlan boruaka hnuhluh loh leh hmanrua a hman loh nise.
7. Party Manifesto-ah a taka tihhlawhtlin theih ngei tur chauh tarlan nise.
8. Inthlanna muanawm, boruak \ha tak hnuaia kan neih theihna turin thlangtu mipuite leh mawhphurtu zawng zawngte theihtawp chhuaha \an la turin kan ngen a ni.
9. Hmanraw thianghlimlo chelekna reng reng hi kan duh lova, mitin in an chhia leh \ha hriatna thiang leh zalen tak hmanga vote an thlak theih nan Sum leh Therhlo dang hmanga vote lei leh hralh hi tih loh nise, mipui, pawl hrang hrang leh Kohhrante pawhin Party leh Candidate-te sum leh thildang dil loh nise.
10. Social Media hrang hrangah thubelhchian dawllo leh finfiahna awmlo ang chi, Party ham\hatna atana thehdarh loh nise.

Sd/- LALHMACHHUANA Sd/- VANLALRUATA
         General Secretary,    President,
         Central Young Mizo Association, Mizoram : Aizawl

Comments

Popular News (Last 30 Days)